Работа која што на сите ни се случила, е откажување на сијалицата за средните светла. Кај Алфа Ромео 147 средните светла го користат H7 стандардот (исто и долгите). Па еве што ви треба за да ја завршите работата насмеани и како што треба:
1. Пар раце (по можност помали, ако не скалперот)
2. Заменска сијалица (треба да се има како резерва во секое возило)
3. Мало огледало
Најпрвин ќе ја отворите хаубата, и ќе го побарате фарот кој што е во нефункционална состојба.
Откако ќе го најдете ќе ги приметите осигурачите на капакот (означени со црвена стрелка) и ќе ги бутнете во правецот на стрелката
Со око или со помош на огледалце, ќе го лоцирате доводот на струја до сијаличката и ќе го извадите нанадвор односно означено како на стрелката
Потоа време е за ослободување на сијаличката од осигурачот, принципот на функционирање кај 147 успеав да го најдам на нет, и со помош на огледало е многу лесно
Откако осигурачот е спуштен (врвот од жицата на горната слика надолу) Н7 сијаличката е слободна, и време е за нова. Во мојот случај јас употребив од Осрам стандардна за 340 ден од Макпетрол. Претпоставувам ова сите го знаете, наважно е да не се допира во никој случај стаклото од истата.
Обрнете внимание на црвената елипса означена на сликата. Поентата тука е дека испакнатиот дел од сијалицата треба да биде свртен нагоре во моментот на ставање на сијалицата во лежиштето.
Ова е најважниот дел во работата, за правилен сноб на светлина, доколку не сакате возачите пред вас или спротивно од вас да се обраќаат по вашите понежни половини, или роднини
Прикачете го осигурачот на сијалицата по обратен редослед, не би требало да употребувате никаква сила, мало притискање и ќе чуете клик. Вклучете го напојувањето и проверете ги светлата. Ако снопот на светло е во ред, ставете го црниот капак, доколку светлото е насочено кој осветлување на небото тогаш повторете ја постапката со порамнување на сијаличката во лежиштето.
Се надевам дека некому ќе му послужи ова. Секакви коментари, забелешки и совети се добредојдени.
