Porsche одамна откри дека работи на помал SUV од својот бестселер Cayenne кој ќе го носи името Cajun, сега се потврдува дека бебето Cayenne тестира, а има и компјутерски генериран лик.
Сеуште не се знае дали автомобилот прикажан на фотографијата е блиску до конечниот изглед на Cajun, иако креаторите уверуваат дека настанал по зададени смерници на инсјдер во Porsche.
Како и да е инженерите во Цуфенхаузен напорно тестираат со тестно муле на Audi Q5, на чија основа ќе биде поставен и Cajun. Првичните информации велат дека Cajun ќе биде хибрид и најекономичниот модел на Porsche.
Понудата ќе биде составена од две верзии со три и со пет врати. Идејата на Porsche е Cajun пред се да биде наменет за бришкање по асфалт, иако не се оградуваат и од малите теренски способности кои ќе ги има моделот.
Cajun ќе го понесе и новиот дизел кого го конструираат Porsche и Audi и кој од 3.0 литри распоредени низ шест цилиндри во V конфигурација ќе истискува преку 300 КС. Ќе има и други мотори превземени од Audi Q5.
Бензинецот од 2.0 литри со турбо натполнење навиен на 235 КС, дизелот со иста зафатнина навиен на 180 КС и бензинецот 3.0 V6 со 330 КС. Cajun треба да послужи и како основа за најавениот Audi Q4.
Иако се очекува Cajun да се појави на пазарот дури во 2013 година уште сега се калкулира со цената, а таа би стартувала од околу 40.000 европски банкноти.
http://www.vozi.com.mk/spy-photo/maliot-cayenne-dobiva-lik.html
