Благодариме на Tuning за пофалбата
На почетокот сме на нова сезона на топло и сончево време, кога и интересот за клима фолии рапидно се зголемува.
За тие што размислуваат за поставување на фолии на својот автомобил, да потсетиме на некои од придобивките од ваков чекор.
- Најпрво, клима-фолиите се проектирани да одбиваат од 5 до 95 % на сончевата светлина, особина која во сончевите летни денови овозможува попријатна атмосфера во патничката кабина и покомфорно возење, помало заморување на очите и избегнување на ефектот на заслепување. Изборот на процент на затемнување е навистина голем, и овозможува да одберете фолија спрема вашите потреби и афинитети.
- Клима-фолиите овозможуваат помало загревање на внатрешноста на возилото. Во зависност од типот на фолијата и степенот на затемнување на поставената, таа постигнува одбивање на сончевата топлотна енергија и до 60-70%. Во пракса внатрешноста ќе биде забележително посвежа, а клима уредот помалку ќе се “мачи” да ја постигне бараната температура.
- Благодарение на посебниот состав на фолијата, таа филтрира дури 99 % од ултравиолетовите зраци, со што се обезбедува заштита на внатрешноста и во значителна мерка се намалува можноста за штетно влијание на УВ зраците врз кожата,
- Фолиите обебедуваат невидлива заштита во случај на сообраќајни незгоди. Фолијата се лепи на внатрешната страна на стаклото, и во случај на кршење, помага стаклото да не се распрсне и да остане во едно парче.. Со тоа во случај на незгода се намалува опасноста од телесни повреди.
- Помалата изложеност на сончевите зраци го намалува стареењето на материјалите од кои е изработен ентериерот на возилото
- Ги затскрива патниците во возилото од љубопитни погледи
- Фолиите со поголем процент на затемнување, кај комерцијалните и полутоварните возила кои имаат странични прозорци се користат и за да не може да се види товарот кој го носи возилото, а кој би бил можна мета на провалници.
- на крај да не го заборавиме ефектот врз естетиката на возилото, со затемнување на стаклата возилото добива поелегантен изглед.
Во продолжение може да се погледнат фотографии од поставени клима фолии на повеќе типови на возила
Ви стоиме на располагање за сите ваши прашања поврзани со темата клима фолии
