Да појасниме малку
BMW M GmbH (претходно BMW Motorsport GmbH) е подружница на германскиот производител на автомобили BMW AG.
BMW M, исто така познат и како М-Technik или само "М" (за моторспорт) првично создаден за да се потпомогне тркачката програма на BMW, која беше многу успешен во 1960-тите и 1970-тите. Со текот на времето, BMW M почна да го надополнува портфолиото на BMW автомобилите со специјално модифицирани модели, по што тие сега се многу познати за широката јавност. Автомобилите со М ознака, традиционално се со модифицирани мотори, менувачи, суспензии, аеродинамиката е исто така подобрена, а и модификации во екстериерот за да се издвојува од соодветните модели без М ознака. Сите М модели се тестираат и тјунираат во приватниот објект на BMW во склоп на тркачката патека Nürburgring.
Формирана во мај 1972 година со само осум вработени, таа се зголеми на 400 во 1988 година, а моментално е составен дел од присуство на пазарот на BMW. Првиот спортски проект проект беше CSL 3,0 на BMW.
По успехот на BMW M производите како BMW 3,0 CSL на тркачките патеки и растечкиот пазар за автомобили со високи перформанси, М воведе автомобили за продажба. Првиот официјален автомобил со М ознака за продажба беше М1, чија премиера беше на Paris Motor Show во 1978 година. Но М1, сепак, беше повеќе од спортски автомобил за секојдневните возачи. Насоката на "М" автомобилите од 1979 година е изменета со пуштањето на M535i, седан со средна големина со високи перформанси, верзија на популарната на BMW 5 серија.
BMW Motorsport GmbH го обезбедува 6,1 литарскиот V12 мотор DOHC со 48 вентили кој го придвижува McLaren F1, кој уживаше многу успеси на тркачките патеки, како што е освојувањето на славната 24 часа Ле Ман во 1995 година, првата година од GTR класата во натпреварувањето.
Во моментов, BMW M нуди модифицирани верзии на скоро секој модел од BMW со исклучок на луксузниот седан, серијата 7 и малиот SUV, X3. BMW M верзија на серијата 7 нема затоа што BMW не сакаа нејзиниот најлуксузен модел да се напојува со високо-туражен мотор, и врвот на понудата во оваа класа (BMW 760Li) има V12 мотор кој се смета за доволно моќен, но и премногу тежок за спортска верзија. Сега за сега неофицијално "BMW M7" е Alpina B7, кој се произведува на истата лента за склопување на BMW, иако неговиот мотор и конечните зафати се прават од страна на Alpina. Меѓутоа, постојат гласини дека во фабриката постои BMW M7 во подготовка, а се шпекулира дека неговите перформанси може да ги надминат оние на 760Li и Alpina B7.
Последни модели на BMW што добија M верзија се Х5 и X6, први М возила кои се со xDrive погон на четири тркала и исто така први, кои не се патнички автомобили.BMW X5 M и X6 M исто така се првите М-возила кои се нудат со автоматски менувач, со 6-брзински Steptronic.
BMW M моторите традиционално се туражни, особено S85 V10 во E60 M5 и E63 М6 и сродните S65 V8 во E90 M3. Меѓутоа, почнувајќи со Х5 М и X6 M, и во очекуваниот F10 М5 (се очекува да почне со производство во Ноември 2011 година), BMW користи турбо S63 што се должи на барањетп за намалување на CO2 емисиите како и намалување на потрошувачката на гориво што и всушност е причина да не се продолжи со натамошниот развој на V10 моторот.
Постојат неколку BMW модели на кои BMW Motorsport има направено промени, без да станат М-автомобили (на пример, BMW 530i M-line пакет или 325i M-line пакет итн). Автомобили кои се модифицирани од страна на BMW Motorsport, но не се целосни М автомобили, може да имаат "М" ознака без број, додека М автомобилите имааат "М" ознаки со број на моделот (на пример, "М3", или "М5"). Единствениот исклучок од ова е М купе модел, како Z3 и Z4 варијанти, кои имаат само "М" ознака, а се целосни М автомобили.
Во последниве години, има М Sport пакет (кој е поскап од редовниот Sport пакет) и други додатоци со М ознака, достапни за не-М автомобилите, обично како фабрички опции.
Исклучоци:
- X5 и X6 M-моделите имаат различна ознака од досегашната пракса (Х5 М и Х6 М) поради тоа што на тој начин ќе се нарекуваа како MX5 и MX6 , ознаки кои се користат од Mazda.
- Z3 и Z4 моделите имаат само ознака М
- М635csi моделот се нарекува така според соодветниот М535i но всушност е целосен М-модел – М6
- BMW 1-серијата се нарекува BMW 1 Series M Coupe, за да не дојде до конфузија со суперавтомобилот BMW M1
