Што ве нервира во сообраќајот? Што ве изнервира денес?

[tomaso]

Јас мислам музиката е најлошото нешто на видеото....

[n1kola]

Абе како може да си толку прост? Возиш 110 во населено место каде што ограничување е 60, сечеш кривини како дебил некој. Во населено место веројатноста да направиш глупост при толкава брзина е многу голема. Па требаше тој со рав4ката да ти излезеше и да се лупнеше и на крај пак ќе го кркаше зошто возиш како будала.

@velestrumf  може ли видеово да се даде некако на полиција во Германија и да го казнат за возење како 16 годишен чаирчанец?

Не е до мене брза е Алфата баце, неможиш да ме разбериш  А музиката е рандом спотифај, нормално сепско ќе врти, англиско само ако морам радио да слушам.
Од Понеделник до Петок го возам Пежото со 70 коња, па за викенд мора да си го напрам ќефот, инаку таму се вози редовно 90 и тоа замисли германците возат толку.

Го тргнав видеото да не ви ги повредува чувствата, Дева Марии 

[Luki Junior]

Штета, тука имаме членови кои снимаат видеа на автопати со ограничување на 120км/ч. при возење 290 км/ч. Барем во Германија тоа возење е легално на неограничен автопат.

Паа тоа возење ни во Германија не е легално, ама тоа е многу долг муабет и на крај ќе се скараме во објаснувањето и толкувањето на правилата. Во Германија нема обврзувачко ограничување на брзината на нивните автопати. Ама тоа во превод не значи дека здебеленото горе е дозволено. Тоа исто не значи возење со 290км/ч исто по автоматизам е дозвочено на сите места кадешто нема ограничување на брзина.

[MecheTo]

Разликата е што на едното место можиш да возиш 290 без да имаш проблем со полиција,а на другото место не смееш да возиш 290.

[Nandor The Relentless]

Работата е што нејебица е страшна работа.

Еве, не знам каде толку брзаа Понеделнички пар морони...
По истото сценарио како ценетиот Никола Ѓорѓески, ќе ме утепаше една будала преска.
Само што, овој "нашиов" попаметен - тоа го изведе на црвен семафор.
Деца чекаа да преминат улица (на нивно зелено).
Среќа тие го виделе, ценејќи по нивното движење.
Јас се свестив дека скија од позади откако зема да свири идиотот...

Криво ми е што не застана, да му се извинев за предизвиканата нелагодност.

[Luki Junior]

Разликата е што на едното место можиш да возиш 290 без да имаш проблем со полиција,а на другото место не смееш да возиш 290.

Така е. Ама кадешто нема ограничувања во Германија, не секогаш е дозволено да возиш 290, туку да возиш со брзина со која во секој момент имаш целосна контрола над возилото, целосна контрола на ситуацијата и не претставуваш ризик за другите учесници во сообраќајот. Ако направиш беља на таа брзина, дури и да не си крив, секогаш дел од вината ја добиваш и ти затоа што поради неприлагодена брзина немаш целосна контрола на ситуацијата. Осигурителната компанија најчесто не ја презема штетата, или делумно ја презема штетата и остатокот (ако останеш жив) го покриваш ти на свој трошок.

Затоа, кога е празно, нема гужви, нема шлепери нема да имаш проблем со полиција на таа брзина. Ако има многу сообраќај, ако има многу гужва а ти инсистираш да возиш 290км/ч затоа што нема ограничување, во најдобар случај ќе имаш проблем со полиција. Во најлош случај, ќе те пее поп.

[velestrumf]

Абе како може да си толку прост? Возиш 110 во населено место каде што ограничување е 60, сечеш кривини како дебил некој. Во населено место веројатноста да направиш глупост при толкава брзина е многу голема. Па требаше тој со рав4ката да ти излезеше и да се лупнеше и на крај пак ќе го кркаше зошто возиш како будала.

@velestrumf  може ли видеово да се даде некако на полиција во Германија и да го казнат за возење како 16 годишен чаирчанец?

Не знам... Само се надевам дека побрзо ќе стигне до полиција и/или соодветна казна, отколку до плачење на погреби.

[kire95]

Последен период ме нервираат многу насилници да ги речам во сообраќај местото каде што живеам е створено за бељи од што моментално е пренаселено според мене, на благоја стефковски каде што насабајле почна да има гужви зимаат свират блендираат да убрзаш и да убрзаш ке стигнеш 30 секунди порано зошто толку е разликата, друга работа што ужасно ме нервира пешаците што не мислат на своите постапки вчера имав 3 ситуации од паркирани коли се избаци на улица да преминува кајшто нема нит пешачки нит ништо среќа споро возев уште ја крив, а глава не врти.. друг случај ист со претрчување преку улица повозрасна жена тргна виде застана на сред лента ко стаписана нит навака нит натака.. трета ситуација поминување на пешачки со возење точак ужасно ме нервира кај еаст во темното кај кружниот прелета типка без да подзакочи очекува дека ке процениш што се нејзините постапки а и низ центар истата шема е со точаците не знам зошто е толку тешко да се симнат и поминат нормално, ама тоа е недостасува многу сообраќајна култура кај сите.

[Silvester]

Затоа даш кам. Не дека нема да имаш грижа на совест (пу пу скраја да е), ама нема да заглавиш в затвор ни крив ни должен (не е доказ ама гарант ќе влијае на судијата).

Мене ме нервираат (а и ми сметаат) со лед светла во халогени фарови. Некогаш стварно мислам дека возат со долги, им блендирам и тие ми блендираат демек средни има пуштено.

[andrejnaumovski]

Денес имаше прилично лоша сообраќајка во Тафталиџе измеѓу BMW F10ка и Мерцедес Е или S класа, таму позади Млечен. БМВто како што возело по главната улица, од левата страна Мерцедесот се залетал од споредната уличка (пред која што раскрсница има знак за првенство на минување на другата улица), го удрил во предното лево крило и БМВто се удрило во оградата на куќата на ќошот. Личеше прилично сериозно удрен, дечкото во БМВто имал среќа што не бил ударот пола секунда подоцна па да биде во возачка врата.

Што е најлошо, како што поминував, возачот на Мерцедесот му објаснуваше на возачот на БМВто како тој „воопшто не успорил“ и дека „нема потреба од полиција“, дека „има тој влеч служба ќе ги тргне одма за да ја ослободат улицата“.

Тука беше: https://maps.app.goo.gl/2rDJiPLrYN6nHhxJA

Мене ми е само нејасно како овој со Мерцедесов успеал да убрза доволно за така лошо да го удри и да не може да закочи, улицата од кај што иде е 50 метри цела.

[shelby]

Не знам која е потребата да се дивее по тие мали улички. Низ град само строго дефанзивно пензионерско возење а понекогаш и тоа не те спасува.