Нандор Против Госпоѓите
Драма во два чина
Чин I-ви
Нандор беше прописно паркирал покрај една зграда и се упати кон училиштето.
При преминување на пешачкиот премин што води кон влезната врата на училиштето,
забележа дека преминот наместо во тротоар, па врата, завршува со хеч и некоја госпоѓа во него.
Нандор:
Госпоѓо, ова е пешачки премин, од онде деца ќе излегуваат за две минути.
Госпоѓата:
Да, моите деца ќе излегуваат.
Откако пресмета со молскавична брзина дека вратата (тоа е едно обично мало портиче) е широка околу 87цм,
а хечот е германски со должина околу 4300мм и е баш симетрично паркиран во однос на портичето,
заклучи дека возилото е баш паркирано на заебан начин, Нандор повторно ѝ се обрати на госпоѓата со ист тон.
Нандор:
Госпоѓо, пешачки е ова.
Од онаа врата излегуваат деца и треба од тука да поминат за да си одат дома.
Госпоѓата:
Да, моите деца ќе излегуваат.
Нандор заклучи дека госпоѓата изгледа зборува Македонски, но размислува на Германски.
Исто како во онаа ситуација со тетоважите кога фраериштата мислат дека имаат некоја тешка авто-биографска мисла испечатена на своето тело,
додека во реалноста, на нивните цицки им пишува нешто како "јадам гомна за доручек" на Кинески.
Нандор си продолжи по патот, со едно мало заобиколување.
Чин II-ри
После неколку минути харање низ мрачната патека, Нандор стигна до училишниот влез.
Среќа, дал госпо батериска светилка за секој паметен телефон, па кому му треба улично светло баш пред и околу училиштата?!
Квадратурата на дворот беше успешно измерен "уз цигара на ладно" за тие две минути додека излегоа децата.
Нандор се упати во обратен правец, кон фамозната порта.
Овојпат, наместо голфот, на истото место стоеше еден убаф бел джип!
Во исто време, беше пофраерски паркиран, средишно, ама со предницата навлезен уште повеќе во тротоарот - практично на 30цм од ѕидот, оставајќи простор да помине човек "настранично".
Откако Нандор наближи кон портата, одлучи да не премолчи и овојпат:
Нандор:
И сега... каде да одиме ние?
Госпоѓа 2:
[нешто кажа одвнатре и се насмеа во стилот "као, извини, као, ама шодапраам, као..."]
Госпоѓата не беше ни во мала доза агресивна, за разлика од нејзината претходничка, а богами и джипот ѝ беше доста поубАф.
Сепак, остана неразрешено што всушност беше одговорот и какво значење имаше таа насмевка.
Нандор повторно заобиколи малку, па продолжи по патот во горенаведениот обратен правец.
Јебига.
