Наведеното во насловот личи дека е многу. Да, но е реалност. Тоа го може Ford. Од својот трицилиндарец со турбо натполнење Ecoboost инженерите на Ford се способни да извлечат дури 177 КС.
Оваа моќност од олку мало моторче е реално да се оствари само со висока технологија. Моторот има два турбо полначи еден кој полни при ниски вртежи и вториот кој полни при високи вртежи.
Според директорот на одделението за развој на мотори во Ford, Гунар Херман, првиот турбо полнач е електричен, а вотриот е земен на заем од 1.6 литарскиот турбо бензинец Ecoboost кој веќе работи во Focus.
Во моментот моторот во изведбата во која испорачува 123 КС и 170 Nm ќе започне да се вградува сериски, а подоцна во напумпаните изведби на Focus и на Fiesta кои ќе бидат под нивото ST ќе се вградува верзијата со 177 КС.
Моторот ќе се вградува и во B-Max, C-Max и Grand C-Max, a идејата е до 2015 година 1.0 литарскиот турбо бензинец до 2015 година комплетно да го замени атмосферскиот 1.6 литарски бензинец.
„Свесни сме дека еден ваков потег може да предизвика негодување кај клиентите, а дури и недоверба. Но, сигурни сме дека кога ќе седнат зад волан на модел кого го задвижува трицилиндарецот и ќе ги видат неговите предности сликета ќе се смени,” вели Гунар Херман
