Купување стан и уредување (Balanar)

[TylerMkD]

Купување стан на приземје само за да го направиш тоа пред тебе некакво си дворче е според мене навистина лош потег, приватност не би имал никаква, колку сакаш убедувај се дека имаш двор.

Второ и самата зграда треба да е така поставена околу да немаш нешто блиску улица или друг објект, а и самото приземје да е баш приземје изедначено речиси со дворот.

Штознам, да фрлаш 1500+ евра за квадрат за стан на приземје само да имаш двор за мене е нелогичен потег.

Сакаш двор, барај си куќа, можеш и гаража и канал и се да направиш.


Зграда е компромис, само да дојдеш да имаш покрив на главата.
Живеам веке 4 години во стан после 30 години во куќа и небо и земја е разликата.

Да не почнам да зборувам дека секакви проблеми излегуваат во зграда и на никој не му чуе, пишуваш во вибер групата решетките се искршени, ке пропаднат колите, ја газите решетката, ке искинете гуми, сите како лемури ја читаат пораката, никој не реагира.
Стигнува понуда за замена на решетки, никој, од 66 станови, 10 дали само реагираат за да се заменат, останатите молчат.
А притоа сите ја газеа најпроблематичната решетка и уво не ги болеше дека и гума и бандаж и подвозје може да оштетат.
Толкава незаинтересираност што иритира, а овие фирмите управители си се така заштитени, нема ли 51% согласност од сите станари за интервенции, не не интересира.

И секој ден се расправаат само за паркингот, овој ми се паркирал на мое место, да се препаркирал, вака така.
Им се понуди за по 2500 денари блокатор да се стави на секое паркинг место плус рампа на влезот, пак молчат.


Живеење во стан е тешка катастрофа, кога ке ги споредам и двете живеалишта и што добиваш а што губиш.

Ок е, не мораше цели параграфи дека стан е подобро од куќа, тоа е јасно. Само нема секој пари за куќа, а тука имаш дополнителни трошоци и за одржување.

[Bravo]

Живеење во куќа е најдобриот избор несомнено, особено ако е куќата во Тафталиџе, Козле, Влае, кај Центар за Странски или спроти Генералштаб. Евентуално Жданец или Трнодол ама гранично е тоа.

Важно е да не си правиме филм дека живеење во куќа во Кучково или Јурумлери, е подобро од живеење во стан во Центар, Карпош, Аеродром, Кисела Вода.

[balanar]

А сега едно малку посериозно прашање - колку пари би ми биле доволни да го уредам станот, од под до таван?
Знам дека ова е многу варијабилно во однос на се што ќе купиш, но јас би сакал да го уредам, да речеме, сосема пристојно.

Зборувам за кујна со медијапански предни лица (пример - гледам Egger Cashmere Gray), трослоен паркет или барем 14mm ламинат, плочки само на тераса и во тоалет ќе имам (гледам Tillezza), бела техника од средно/висока класа, удобен душек, санитарија од средно/висока класа, некоја аголна гарнитура од 30-40 и кусур илјади денари и сл.

Имам замислено некоја цифра од 20.000 евра баш како стартен (па и конечен) износ за уредување.

[AlexAl1en]

Околу 17-20.000 евра со средно накај висока класа.

Кујна со шанк 2000-2500 евра
Бела техника 2000-2500 евра ( фрижидер, машина за садови, аспиратор, плотна и рерна) висока класа Бош, ЛЏ итн

Гарнитура под 1000 евра нема добра. Гледав во скоро време со димензии 270х230 и ништо не најдов. Или имаа ама перничиња позади надувани и неудобни.

 Најмногу ми се допаѓаат модуларните на Фејдом, ама скапи 1500 евра.
 И Јумис има страшно добри и модерни ама исто скапи 2000-2500 евра.

За трпезарија маса со столови околу 500 евра. Стол за шанк по 120 евра од Махагони.

Земав маса од Махагони кружна 120см и клуб маса двете комплет за 450 евра.

Секаде каде што гледав немаа квалитетни маси со мали димензии се е нешто големо 80х140 или 160см.
Столчиња се секаде просек по 100 евра.

Спална со добар душек 1000 евра.
Плакар 500-1000 евра, зависи од димензии.

Купатило уредување ме фати 3500 евра за 8м2  и машина за перење и сушење.
Плочки 20-30 евра м2 со лепење.


Sent from my SM-A528B using Tapatalk

[MartinAlfista]

Бидејќи Cashmere Gray ја има и во иверка варијанта, плаќање за MDF ти е само беспотребен трошок.

MDF за фарбање, жлебување, радиуси, фурнирање, пластифицирање, итн итн.

За нормална домашна кујна што ќе се користи секој ден - Egger иверка е сосема доволна. Сега во денешно време може и косо, водоотпорно кантирање, па и ако сакаш дизајни без рачки, и тогаш се елиминира потребата од MDF.

Парите што ќе ги заштедиш (ако си убеден 20к да потрошиш) вложи ги во климата или белата техника.

[balanar]

Видов дека го има и во иверка варијанта, мислам дека е U702 ST9, а медијапанот е U702 PM (PerfectMatt).
Ме замисли сега... Цената на медијапан табла (2.8m на 2m) е 16000 денари, а на иверката е 5500...
А и не го разбрав делот со без рачки разликата иверка vs медијапан, a мислам дека така сакам.

За плотна и за ѕидна облога (помеѓу плотната и горните елементи, не сакам плочки) - одбрав исто Egger, Calais Travertine.

[osmica8]

Како што ти кажа колегата @MartinAlfista, медијапан е добро да го користиш ако некој ти го фарба. Ако правиш некакви заоблени работи, некакви скриени рачки, оборени ивици итн...
Ако земаш медијапан и му ставиш кант трака, ништо не си направил.  Подобро земи си иверка и свиркај си.

[MartinAlfista]

Обично кога се оди на кујна без рачки, горниот раб од вратичката се сече под 45° и се кантира, за да можеш да ја фатиш и отвориш вратичката полесно.

Порано тоа беше ексклузивно резервирано за MDF, сега може и иверка така да се обработи.

Од истата иверка девојка ми правеше плакари, одлично изгледа и нема потреба од MDF кога ја има истата боја.

Сметај исто, дека таблата MDF во димензии е помала од таблата иверка, па ќе ти требаат повеќе табли MDF од што би ти требале табли иверка за да го комплетираш лицето на кујната.

[Filip MK]

Купатило уредување ме фати 3500 евра за 8м2  и машина за перење и сушење.
Плочки 20-30 евра м2 со лепење.

Sent from my SM-A528B using Tapatalk

Не знам зошто пресметка за купатило кога мислам дека тоа си доаѓа од инвеститорот (освен нормално бела техника).

[balanar]

Исти се таблите во димензии и за иверката и за медијапанот на Егер-ов (2800x2070x18)

Него, не го разбрав @osmica8 . Зошто не иде MDF-то и кант трака?
Јас како што разбирам - медијапан плочата што ја гледам е фабрички готова за сечење (со аплицирана боја и со фолијата), а потоа и за кантирање.
Мислиш да се фарбаат наместо кант траки?

Инаку - вчера читав по Фејсбук групи.
Има разлика во двата модели во смисла на рапавост (иверката била доста порапава и наводно доста потешко за пребришување), иако бојата технички е иста.



Не се оправдувам за да земам медијапан, чисто си ја расчистувам дилемата...

[Luki Junior]

Едно прашање до експертите: Што е разликата меѓу медијапан и МДФ? Освен за вратички, за ништо друго не се користи ни едното ни другото. Едноставно материјалот собира премногу влага и вода.

[MartinAlfista]

Се кантира исто како иверка ама нема поента бидејќи е (буквално) 3 пати поскапо.

Осмица, а и јас, вика дека MDF (уствари HDF бил медијапанот, се извинувам) е соодветен ако сакаш онакви рустични дизајни кај што средината на панелот е како резбана/вдлабната, или ако сакаш заоблени рабови, или ако сакаш нешто трето што не може да се изведе од иверка. За сечење под 45° и кантирање, и иверка е совршена и 3 пати (буквално) поевтина.

Ако ти вреди маргинално полесно одржување 3 пати повеќе, тогаш продолжи си со мислата.

95% од мачканиците на конкретната иверка излегуваат со мокра "Виледа" и пребришување со сува крпа после. Што не излага така, излага со малце сјај или средство за стакло.

Фала ти на корекцијата за димензиите на таблата, порано HDF таблите беа помали, 2/3 од големината на иверката.

П.С. Зборот "медијапан" е веројатно балканска изведеница од "Made in Japan", што веројатно е државата од кај што дошле првите такви плочи

[Power to the people]

Мораш да одиш во живо да видиш, не му ги знам јас термините за површината, софт/хард/сјај, итн... ама ете во Битола дека имаме малку помал избор, и површината/ текстурата на медијапанот на допир и изглед е попремиум.
Пример бела иверка и бел медијапан мат разликата е небо и земја, а преку веб тие работи не се гледаат, а дали има бела иверка со премиум површина Скопје не знам.

Дали специфичната иверка и медијапан шо ги бараш се исти во текстурата не знам, ама ако се различни мораш на лице место да си пресечиш, а дали вреди или не тоа е лична работа.

[dudin]

Исти се таблите во димензии и за иверката и за медијапанот на Егер-ов (2800x2070x18)

Него, не го разбрав @osmica8 . Зошто не иде MDF-то и кант трака?
Јас како што разбирам - медијапан плочата што ја гледам е фабрички готова за сечење (со аплицирана боја и со фолијата), а потоа и за кантирање.
Мислиш да се фарбаат наместо кант траки?

Инаку - вчера читав по Фејсбук групи.
Има разлика во двата модели во смисла на рапавост (иверката била доста порапава и наводно доста потешко за пребришување), иако бојата технички е иста.

(Фотографијата е скриена. Кликни тука за да ја прикажеш..)

Не се оправдувам за да земам медијапан, чисто си ја расчистувам дилемата...

И јас ставив иверка 702 ст9 во кујната и плакари во ходник, инаку не е воопшто рапаво за да прави проблем при чистење.

[balanar]

Да да, фала Мартин на деталното објаснување. И фала Дудин, еве од прва рака имам мислење за тој модел.
Ништо, ќе остане да видам крајната цена колку ќе е разликата (тишлерот треба да ми каже колку табли ќе ми требаат) и да ги видам/опипам двата модела во живо.

@dudin - А внатрешно во кујнските елемени како ги реши (полиците/преградите и задните плочи)?
Бела иверица или?