Нови Горива во Макпетрол
Новите Макпетрол УЛТРА горива се специјално дизајнирани горива преку најсовремена технологија на адитиви и други технолошки постапки. Со нивната употреба се постигнува поголема економичност, моќност и забрзување, подобрено подмачкување на моторот и намалени емисии на штетни гасови и материи.
На бензинските пумпи во Макпетрол започна продажбата на најновите УЛТРА горива кои ги задоволуваат највисоките Европски стандарди.
Новите Макпетрол УЛТРА горива се специјално дизајнирани горива преку најсовремена технологија на адитиви и други технолошки постапки. Со нивната употреба се постигнува поголема економичност, моќност и забрзување, подобрено подмачкување на моторот и намалени емисии на штетни гасови и материи. Новите горива ќе се продаваат за иста цена како и досегашните, но нудат могу повеќе од досегашните бензини и дизел горива присутни на нашиот пазар. УЛТРА горивата се во согласност со европските стандарди, како и Правилникот за квалитет на течните горива на РМ. На македонскиот пазар ќе бидат понудени три нови типови на горива: УЛТРА Дизел Џет, УЛТРА 95+ и УЛТРА 100С.
УЛТРА Дизел Џет е економично и кристално чисто гориво што се добива со двојно филтрирање на еуродизел горивото, преку филтри наменети за авиогоривата. При овој процес се отстрануваат најмалите механички нечистотии и трагите од вода. Со соодветно адитивирање се овозможува намалена потрошувачка и зголемена ефикасност на моторот, се продолжува векот на траење на моторот, потоа намалена бучава и посмирено работење, заштита на животната средина и други позитивни ефекти.
УЛТРА 95+ е гориво наменето за сопствениците на поголемиот дел од старите и нови возила што бараат поекономично возење, без загуба на перформансите на возилото. Посебните адитиви обезбедуваат подобро согорување и искористување на горивото и доведуваат до намалена потрошувачка, подобро распрскување на горивото, а со тоа и зголемување на моќноста и ефикасноста на моторот. Со употребата на ова гориво се продолжува векот на траење на моторот и се зголемува заштитата на животната средина.
УЛТРА 100С е високооктанско гориво наменето за сопствениците на современи, високоперформансни и ефикасни автомобили и мотори што бараат зголемена моќност и максимални перформанси. Специјалните, мултифункционални адитиви го гарантираат предвидениот квалитет на УЛТРА 100С горивото, а предностите кое овој тип на гориво ги нуди се: подобрено распрскување на горивото и подобрано согорување со што се зголемува моќноста и ефикасноста на моторот. Горивото содржи антикорозивни и антифрикциони супстанци што вршат подмачкување на компонентите на моторот и овозможуваат нивно полесно движење. Тоа резултира со поголема моќност и потивка и помирна работа и намалена емисија на штетни гасови, а со тоа и поголема заштита на животната средина.
Вестите за новите горива се вистинско освежување за Макпетрол, а и за потрошувачите, бидејќи добиваат поквалитетни горива по непроменета цена. Останува да видиме дали новите горива ќе може да се најдат на сите бензински пумпи на Макпетрол во земјава и дали се горивата навистина со толку висок квалитет како што се вели во прес соопштението или е ова само маркетиншки трик. Ако треба да бидеме искрени, за сега Макпетрол не ни оставиле простор да се сомневаме во квалитетот на нивните горива.
