За било каков успех, дали во бодибилдингот конкретно, или во друго поле во животот во кое навистина сакате да успеете, потребно е да бидете мотивирани, комплетно посветени, одлучни и пред се, да имате љубов и пасија кон тоа нешто што вие целите да го постигнете. Ова се 5 работи со кои навистина ќе успеете да ги остварите вашите цели.
1. ПАСИЈА
Многумина може да креваат тегови, да се придржуваат до режим, да излезат на бина и да се нарекуваат себеси бодибилдери. Разликата помеѓу вистински бодибилдер и некој што "пробува да биде" e ПАСИЈАТА. Пасијата е нешто што мора да го имате доколку сакате да успеете во бодибилдингот, и во животот генерално. Еден начин преку кој може да се зголемите вашата пасија кон спортот е да се вклучите во спортот надвор од вашите персонални потреби. Се мисли на тоа, да бидете вклучени повеќе во кругови каде што главна дискусија е бодибилдингот, дали е тоа во теретани, дали на форуми/блогови, помагајќи им на други почетници/напредни вежбачи, одговарајќи и поставувајќи прашања, и пред се дружба со луѓе кои делат исто мислење и пасија како вас.
Друг начин е да се трудите да го зголемите вашето знаење околу спортот, да научите нови тренинг методи, да експериментирате со вашата диета и суплементи со цел да откриете што најдобро работи за вас. Еден од најдобрите начини да ја покажете вашата пасија кон спротот е да го промовирате. Мал број на луѓе имаат многу мало, или воопшто немаат познавање околу овој спорт, затоа што има мал број на луѓе кои всушност се занимаваат со промоција на овој спорт, воедно и на атлетите.
2. ЖЕЛБА
Една работа е да викате дека сакате да бидете бодибилдер и да се натпреварувате, а сосема друга работа е да ја имате ЖЕЛБАТА навистина да станете бодибилдер. Постојат натпреварувачи кои се навистина посветени за време на своите подготовки за натпревар, и 3 до 4 недели пред натпреварот, тие се откажуваат. Сето тоа време, труд, енергија, пари залудно потрошени. Тоа најчесто се случува кај личностите кои се недоволно мотивирани и не се ментално и емоционално стабилни, и не успеваат да ги контролираат сопствените емоции. Навистина треба да имате голема желба да успеете, да се терате себеси да не пропуштите ниту еден тренинг, да не прескокнувате кардио, и внимателно да обрнете внимание на вашата диета и суплементација.
Никој нема тоа да го направи за вас. Никој неможе вас да ве натера да направите нешто што не сакате да го направите, како што вели една фраза "Ние сме сопствените креатори на својот живот". Само со сопствена помош може да стигнеме онаму каде што сакаме да одиме, и да постигнеме она што сакаме да постигнеме. Прашањето кое треба да си го поставите е: Колку сте спремни да се жртвувате за овој спорт за да бидете успешни, без разлика колку е тоа физички и психички исцрпувачки ?
3. ОДЛУЧНОСТ
Најдобар начин да се презентира одлучноста е да се спореди со голем маратон. Колку толку и колку далеку сте спремни да издржите и да ги поднесете работите кои доаѓаат заедно со бодибилдингот, кои несекогаш се лесни за справување? Бодибилдингот е како еден безкраен круг, кој постојано се врти. Ако навистина сакате да бидете бодибилдер, навикнете се цело време да јадете само неколку вида на храна, носејќи ја со вас спакувана, мерејќи го секој грам на храна кој го внесувате, јадејќи ја само "вашата" храна додека сите останати јадат помфрит, хамбургери и разни слатки. Навикнете се на прашања од карактерот на - "Што е ова што јадеш ?" ; "Зашто само ова го јадеш ?", и така натаму.
Она што ги одделува слабаците од оние кои се навистина посветени и сакаат да успеат е ОДЛУЧНОСТА. Не е важно колку високо сте на врвот, или колку сте длабоко на дното, треба секогаш да бидете одлучни и мотивирани да постигнувате уште поголеми достигнувања и да ги прескокнете сите оние препреки кои ви доаѓаат на патот. Никогаш не дозволувајте некој или нешто да ве спречи да станете она што вие сакате да бидете. Движете се само напред, не застанувајте и не се откажувајте.
4. ПОСВЕТЕНОСТ
Многумина мислат дека бодибилдерите се бодибилдери додека се само во теретаната. Погрешно! Да бидете бодибилдер значи дека сте посветени 24/7 часа во денот, 365 дена во годината. Не сфаќајте погрешно, зависно дали сте "on" season или "off" season, често се наоѓа време за дружба и за "нормален" живот. Иако речиси нема ништо нормално во овој стил на живот кој го живееме, само оние кои се најиздржливи и не се откажуваат, се оние кои стигаат далеку во овој спорт.
Ќе има периоди кога ќе се почувствувате дека сета напорна работа и посветеност не ве носат никаде, и не ви носат ништо. Дали станува збор за промена на вашиот физички изглед, или вашето место е пониско од очекуваното на некој бодибилдинг натпревар, треба да бидете ментално јаки и да ја прескокнете таа ментална бариера, и да се присетите на она нешто кое ве донело до таму каде што сте.
5. ТРПЕНИЕ
Ова е веројатно една од најголемата пречка кај многумина што се појавува, и најчесто поради нетрпение се откажуваат. Бодибилдинг е спорт кој бара многу трпение, бидејќи резултатите доаѓаат со тек на време, без разлика дали почнувате на 16 или 55 години. Да ги постигнете резултатите кои сакате да ги постигнете бара одредено време. Мора да бидете трпеливи со вашиот тренинг, со вашиот режим на исхрана, и најважно мора да бидете трпеливи кон самите себе.
Во одредено време, ќе имате пречки во вашиот бодибилдинг живот, исто како што ќе имате пречки во вашиот секојдневен живот (семејство, работа, финансии и слично). Можеби сеуште не сте добиле одговор на апликацијата за работата што сте ја пратиле, или сеуште не сте ја добиле важната вест која ја чекате долго време. Клучот за овие работи е да бидете трпеливи, и да почекате тие работи всушност да се случат. Тоа незначи да се помирите со неуспех додека да се случи тоа, бидејќи секогаш може да направите за да направите промена.
