Lada Niva наполни 35 години
Во април 1977 година произведен е првиот сериски автомобил со погон 4х4 на ВАЗ, моделот 2121 или популарно познат како Lada Niva. Всушност, моделот беше подготвен година дена порано, во чест на ХХV конгрес на КПСС, но сепак официјално е произведен пред точно 35 години.
Само две години по пуштањето во сериско производство Lada Niva успева да влезе во трите најдобри автомобили од оваа класа во целиот свет. Во тоа време ВАЗ 2121 нема конкуренција, не само во Русија, туку и во другите земји. Успехот на моделот е огромен, се продава во 110 земји во светот. За таа цел 70% од производството е насочена за странство
Голема улога за тоа имаат и постигнувањата на Lada Niva во автомобилскиот спорт. Различни модификации на автомобилот учествуваат и се прославија на натпревари како "Релито на фараоните", "Алжир", "Атлас", кој исто така поминува низ голем дел од Африка, релито "Париз-Дакар" и др. Меѓу исклучителните достигнувања на теренецот е најдобар во екстремни услови на Антарктикот, на Северниот пол, како и светски рекордер во освојување на најголема висина во светот со автомобил, на над 5.000 метри на Хималаите.
Во 2005 година автомобилот го промени своето име во Lada 4x4, но продолжува да се продава со успех надвор од границите на Русија. На платформата на Lada Niva се направени десетици модели кои се користат на различни служби. Како целина и во моментов Lada 4x4 наоѓа место меѓу 10-те најдобро продавани автомобили во Русија. Во 2011 година АвтоВАЗ продаде на пазарот 67.864 примероци. За 35 години се продадени вкупно над 2 милиони возила ,а во моментов се работи на третата генерација на Lada Niva.
Извор:
http://www.avtoplus.mk
