Апдејт: 1 година и 33.000 км.
Како што сум спомнал преходно, зимава што пројде, пак ја возев низ европа, се наби километража и замислете уште не се расипа. Додуше знае да прави по некој стрес ама сега за сега и простувам освен стресот што го имам кога треба да седне некој позади. Значи позади е МАЛА колку што не може човек да замисли, ама што е тоа е, the damage is done така што сега назад нема.
Тоа што би издвоил од периодов а можда и единствениот ивент е тоа што враќајки се од пат, на километар пред дома - црвен аларм, oil below minimum. И пошто нема шипче за проверка, немам што, колата у гаража и правец сервис земав уље, дотурив 1 литро колку да бидам сигурен дека колку толку има нешто внатре и отидов у сервис. Правеа што правеа некаков ресет на сензори за уље и оп излезе скоро преку максимум. Секако на минатиот сервис имаше нијанса помалку од средината и се сеќавам и тогаш мака мачеа да стават колку треба па миц по миц капка по капка па треба да работи 5 мин у место да покаже точно и.... Стварно не знам на кој му текна да го тргне шипчето и сензори да стави па уште у Алфа. На крај заклучокот беше дека не фалело којзнае колку уље само малата се збунила.
Инаку прави ќеф нема што, до толку што за уљево имав заборавено, сега ми текна дур мислев што да напишам. Цврсто, стегнато, брзо и прецизно. Да не се повторувам каква е што е, се што имам напишано претходно - важи.
Вчера точно на 33.000 ги вратив летните гуми. Разлика - помеки, или така ми се чини. Бука скоро иста, нијанса помала на мали брзини. За зимските не знам што да кажам, не очекував ништо посебно и тоа и добив. Немав непријатни изненадувања со нив во ниедни услови. Дури не се ни бучни. Тоа што ме изненади е цената за монтажа балансирање и чување во Мотоцентар = 4600 денари. За истава работа за Камикот во Стоп-го е окулу две ипол.
Планови имам за летово, ќе видиме што ќе излезе, нема да спомнам пошто по правило се што сум спомнал се изјаловило.
Заклучок:
1. Конечно сфатив зошто служи еден мал простор испод багажникот - за чување литро уље, што и веќе го практикувам.
2. Дали се заебав што ја купив? - Не
3. Дали цело мое семејство мисли дека се заебав што ја купив - Да (Мада насмеана е кога сме сами).
4. Дали пак би ја купил - Не, пошто нема веќе.
5. Уживам со неа.
Да не е без слики пост:
