Предлог за нова кола/SUV (буџет мах 40k)
Се продаде Passat-от, и сега барам ново возило. Имам дилема: дали да биде **ново ново** или **половно од увоз** (производство 2020+). Буџетот е до **40k** максимум.
Лимузини (половни, разгледани онлајн):
1. **VW Arteon**
- Одличен дизајн, спортска линија, дизел 
2. **Skoda Superb**
- Простран, со подобри перформанси , и подобар однос цена/квалитет, дизел
### Нови SUV (возени во салони) бензинци
1. **KIA Sportage (Anniversary 30 опрема)**
- Го пробав – доста добро чувство при возење, соодветна опрема и цена.
2. **Peugeot 3008**
- Има супер дизајн и одлична внатрешност, но моторот **1.2** ми е слаб.
3. **Hyundai Tucson**
- Новата внатрешност ми се допаѓа, плус би го зел со опција за 4x4, но цената е на граница.
4. **Mazda CX-5**
- Сè уште не сум ја пробал, но ми ја фалат многу – најстар модел во споредба со другите, но би сакал да и дадам шанса. Цената е на граница.
**Дилемата е дали лимузина или SUV** – лимузините ме влечат повеќе, но гледав само половни. Од друга страна, кај новиот SUV изборот е солиден, но повеќето модели со подобра опрема се блиску до горната граница на буџетот.
Отворен сум и за **тест возила**, доколку се со добра цена.
Предлози, Совети и искуства ќе Ве молам
Тенк ју !
Еве и јас ке ти споделам неколку искуства во однос на старо или ново возило.
Предноста доколку купуваш старо возило е тоа што за помалку пари можеш да добиеш поголема класа на возило.
Јас лично, доколку не му го знам потеклото на возилото и поминатите километри, не би го купил искрен да бидам. Сакам да кажам би купил од познат човек со поминато мал број на километри. Со тој момент би можел да живеам.
Кола колку сака нека е најбоља и најсупа донесена од некаде, без позната историја, не би можел да ја прифатам.
Што се однесува лично пак ќе кажам до мене, во согласност со можностите би купил ново возило.
Зошто:
Зошто последниве 15 години како што купувам нови коли, освен да дотурам вода за брисачи, не сум кренал хауба.
Тоа што е ново возилото ми дава сигурност при патување. Ми дава сигурност во однос на дефекти, можни проблеми итн итн да не набројувам.
И еднаш кога ќе ги осетиш благодетите на ново возило, мислам дека повеќе нема да сакаш да се вратиш назад во историјата и да бараташ со стари...
Што се однесува до изборот на возила, највисока класа од сите СУВ-ови кои ги наброја, ти е Мазда ЦХ5.
Мислам дека и имаат возила кои ги нудат по некои акциски цени. Со Маздата конкретно имам поминато некои си 3500 км, што на отворен пат, то во град. Возилото прекрасно вози. Не се чувствува никаков замор и после поминати 1000 км во еден здив. Тивко е, удобно, широко, едноставно е топ возило, поготово ако се размислува и за семејството се разбира.
Потрошуавчката е релативна работа и зависи од стилот на возење. Градска е околу 10л, на отворено кога се вози по пропис, потрошувачката е во просек околу 6,5 до 7л на поминати 100 км. Возилото кое што го возев е 2.0 со атмо бензиски мотор и автоматик.
Што се однесува до останатите возила би го спомнал и 3008, најновиот модел. Претходниот го имам возено и се имам возено. Удобно, големо и пространо возило, односно СУВ. Меѓутоа беше дизел, а не бензин.
Бензинот го имам во 2008-цата и воопшто не е слаб мотор за таа каросерија со 130 кс.
Новиот 3008 изгледа фантастично и кога седнуваш во него имаш чувство како да седиш во премиум сегмент, иако Пежо спаѓа во семи премиум.
Не сум го возел, но мислам дека во Еуроимпекс имаат тест возило и вреди да се проба. Мислам дека после нова година треба да стават 1.6 мотор, бензин се разбира, па ке видиме дали стварно ке биде така. Ако да, вреди да се почека и да се земе во некој добар пакет. Кај нас најчесто се нуди Алур опрема, што е сосема доволно опремено возило, но јас кога би го купувал секако би одел на ГТ верзијата.
Останатите две опции, КИА и Хјундаи, се класа под ЦХ5-ката а можам да речам и за малку под 3008-цата.
Но затоа можеш за буџетот да ги земеш во пакет со многу опрема. Во однос на доверливост, можам слободно да кажам дека го достигнаа нивото на јапонските возила, па ако не и подоверливи од нив. Плус имаш опција да бираш дизел/бензин, се разбира во однос на потребите. АКо возиш 80% град, нема логика да купиш дизел и да се соочиш со така наречените проблеми со ДПФ. итн итн итн...
Форд и Шкода не ми ги сака душата.
Артеонот е преубаво и прекрасно возило, но се враќам на почетокот околу изборот на ново/половно/ половно од познат продавач...
Одлуката е твоја.
