Пунтото ќе го изложам и тука чисто за евиденција како оди дружбата, одржувањето, сервисирањето, од искуство знам дека доста ќе се дружиме. Мене многу ми прави кеф, посебно низ Скопје. Како што пишав во огласот при потрагата по ваков модел, сосема случајно се налета на колата, не беше на оглас. Цената и состојбата беа пресудни одма да се реагира и да се земе, иако немаше од опрема тоа што на почетокот се бараше (серво и клима). Татко ми, за кого е земена колата, реално не користи клима во кола а и без серво не е страшно.
Мора веднаш да направам споредба со претходното Пунто 2 со 1,2 и 16 вентили со 80 кс, има осетна разлика, посебно при тргнување/старт и забрзување, ама на стариот овие параметри не му играат никаква улога.
Пунтото е средено комплет, односно направен му е голем сервис, набавени се 4 целосезонски Матадор и хемиско, која инвестиција вкупно чинеше околу 450 евра.
Голем сервис е направен во овластениот сервис на Фиат Велиновски во Куманово на 156.295 км и вклучува (со цени):
1. Сет за ребраст (ремен и затегнувач) 2200 ден
2. Пумпа за вода ................................2800 ден
3. Семеринг за радилица ..................... 350 ден
4. Семеринг за брегаста ...................... 450 ден
5. Линиски ремен ПК .......................... 400 ден
6. Замена сет ребраст ........................ 3000 ден
7. Моторно масло Селениа Голд 3 л..... 2100 ден
8. Филтер за масло............................ 500 ден
9. Филтер за воздух ............................ 550 ден
Вкупно........................................ 12350 ден
Гаранција 5 години или 80.000 км.
Дополнително беше ставен обртометар од друг модел на Пунто кој што имаше опција да покажува обртаи, температура, потрошувачка на гориво, затоа што основниот модел на Пунто ги нема овие опции.
Еве и по некоја слика како изгледа сега колата:
Нови патики сет 4 гуми Матадор MP 62 All Weather EVO по цена од 2600 ден гума
Патосници по пропис Гледринг
Обртометар како што треба да има
Хемиско локал Куманово:
Останува во здравје да вози стариот и нормално чат пат да ја „крадеме“ по потреба
