Здраво,
Дали некој се соочил со било каков проблем со парно на Audi A6 C6 2006 2.7TDI BPP мотор, за да сподели искуство?
Конкретно мојот проблем е дека парно под мали вртежи (возење низ град) нема воопшто, ако се вози на автопат со вртежи околу 3000rpm има парно во најнормална смисла.
Со одредени проби за решавање на проблемот се направи измена во ситуација да има парно додека автомобилот е во место и кога се вози на 3000rpm, низ градско возење пак нема.
Пробани работи и мерени параметри:
- Сменета Coolant Circulation Pump V50 со друга половна (во нареден период имам спремно уште 2 други половни да пробам),
- Пробано да се испушти воздух од систем,
- Антифриз релативно нов,
- Не прегрева односно не крева температура повеќе од 93 степени,
- Не дува црева од ладилник,
- Премостен EGR односно водата да не поминува низ него,
- Кога колата е во место, пумпата V50 е активна и работи на околу 550hz, штом ќе почне да се вози, пумпата го надминува максималниот лимит од 650hz, односно оди 700/800/1000hz и се гаси. Кога е изгасена парното веднаш го снемува, истата се обидува пак да се стартува после 5 сек пауза, но пак повторно оди над дозволената граница и се гаси, се така во круг, додека не застанеш со колата. Кога парното е во функционалност грее со одлични 65-70 степени излез на вентилација. Исто така вентилите за двозонска клима преку VCDS дава информација дека реагираат во проценти, но дали физички се движат не може да се утврди.
