Резултатите од спроведеното истражување на JD Power, за задоволството на клиентите од компактните ванови, за 2013, ја донесе Opel Meriva на самиот врв. Овој миниван достигна 80.6 проценти во индексот VOSS, оставајќи ги зад себе сите конкуренти.
На стартот вредно е да напоменеме дека со индексот VOSS (Vehicle Ownership Satisfaction Study или Студија за задоволството на сопствениците на автомобили), Институтот за маркетинг истражувања - JD Power and Associates, го мери задоволството на сопствениците на возила кои управуваат со одреден модел во просек две години. Ова е уште едно признание за моделот Opel Meriva во многуте освоени досега, меѓу кои повредни се Златен волан и Plus X Award. Освен тоа, ова милениче на клиентите е еден од најпродаваните миниванови во Европа.
Томас Симон, потпретседател на Opel, одговорен за квалитетот, смета дека флексибилноста е клучен фактор за успехот на Meriva: „За да е победник во студијата на JD Power, еден автомобил треба да е убедлив во секој поглед, бидејќи никој не проценува подобро квалитетите на еден модел од самите возачи. Јас сум особено задоволен од оваа награда, затоа што таа го нагласува фактот дека од Meriva може да се бара ништо повеќе“.
http://avtoplus.mk/vesti/zanimlivosti/klientite-na-kompaktnite-vanovi-najzadovolni-od-opel-meriva
