Здраво дечки и поздрав до сите.
Бидејќи поминав низ ова искуство и можеби некој друг го има сличниот проблем си реков да споделам тоа што научив. Пред месец дена колата да влече послабо но значително послабо (едвај качуваше 100) и мислам дека се случи после одење на Пониква поради теретот итн. Ја однесов на еден мајстор кај кој колата стоеше два дена а тој не сменил ништо. Ја ставил на компјутер бидејќи светеше check engine и покажало изгорен греач, но не сменил ниту еден. На 3 ден откако ја оставив колата му се јавив и тој ми вели јас чекав да ми се јавиш ти го изгубив бројот и си велам ќе дојде кога тогаш. Не сум одел многу по мајстори и не знам дали сите се вака но да му изгубиш број на муштерија кој ти остава своја кола е стварно непрофесионално. Кога отидов да ја земам ми кажа изгорени се греачите и не го вклучува турбото што беше апла лажење бидејќи до толку и јас знам и го слушам кога возам. Видов дека сака да се реши од мене бидејќи во работилнцата имаше Х1, нов Пасат и други поскапи коли. бидејќи има современ сервис.
Потоа татко ми ја зеде колата за Скопје (од Кочани) и на враќање помина кај мајстор за кој бев слушнал дека е многу добар и има многу современа дијагностика но тешко се доаѓа на ред ако не те познава. Излезе дека биле добри пријатели со татко ми и му кажал дека навистина е изгорен греач (мислам сите 4) но да не ги купува сите да купи само еден а колата пак ќе влече нормално. Купивме еден греач за 1000 febi-bilstein 31248 и тоа излезе дека е решението.
На почетокот мислев дека е МАФ сензорот бидејќи кај еден претходен мајстор кој ми го промени маслото го извади airbox-от за полесен пристап и не го приклучил сензорот. Дури купив нов сензор но кај друг познаник (знам дека прошетав многу мајстори
) кој специјализира за плин (но има компјутер) го исчисти стариот филтер, го вклучи конекторот на сензорот и го избриша кодот преку OBD2 и колата си беше супер се додека не прогоре греачот.
Така да ова беше широко објаснување за едноставна тема но одете кај мајстори на кои им верувате и секогаш прошетајте по форумите бидејќи можеби некој го има истиот проблем како и вас.
Поздрав форумџии и со лесно!
