Нов љубимец во домот
Ја заменивме плавата Инсигнија и ја земавме оваа со доплата. Се работи за кола со прва регистрација во 02.2016, со поминати 20800 км кога ја земавме. Има 1.6 турбо дизел мотор со 136 КС и е со Еуро 6 норма. Си ги задржавме таблиците
Колава е значително поопремена од прошлата, и башка, не може да се долови колку добро изгледа бојата во живо. Стојам зад тоа дека пред фејслифтот повеќе ми се свиѓаше однадвор, ама ќе пробам тоа да не ми пречи
Фејслифтот најмногу се осеќа внатре. Имаат посветено многу внимание на квалитетот на материјалите и на дополнителна изолација на кабината. Средишната конзола веќе не е со премногу копчиња, а воланот е поубав на лик. Се приметуваат и подобрувања во подвозјето и однесувањето на колата при возење. Воланот не е толку без осет, во однос на како беше претходно.
И оваа е со истите AGR седишта како и претходната. Има греење на предните седишта и на воланот. Има автоматска клима, вентилациски отвори и позади (што е битно) и 230 V приклучок
Друго од опрема: Би-Ксенон светла со AFL и LED дневни светла, навигација со екран на допир, темпомат, Blind Spot Monitor, паркинг сензори + камера назад, затемнети задни стакла, електрика на сите прозори, HSA (Hill Start Assisstance), ABS, ESP+, Opel OnStar, итн итн... Ми рекоа дека има и Opel Eye (систем што ги чита сообраќајните знаци) и систем за автономно паркирање, ама треба да проверам, уште не сум стигнал
Вози на Good Year 4 Vector (all season) гуми 225/50 R17, кои се релативно тазе (4215) и имаат солидна шара. Мене лично, не ми праат мерак ол-сизн гуми, ама си ги задржавме зимските, па здравје, у наредна прилика ќе туриме соодветни летни гуми на овие бандажи.
Мислев дека 1.6 моторот нема да е доволен за колава, ама ја возев и низ град, и на отворено, и бев прилично позитивно изненаден колку е живчан. Низ град мука си нема со „влечење на габаритот“, а на отворено си ги збичи до кај 180 без никакво колебање. Доста пријатно изненаден сум од можностите. Мене лично, ме радува и ми е битно што исполнува Еуро 6 норма.
Еве и пар сликичина:
