Имам проблеми со комшија веќе долго време, но е индиректно вклучен во нештото. Ми нарушува приватност и сите арамишта со кои имам проблем ги прибира дома и во разговор со него дознав работи кои не сакав да ги дознаам. Накратко за тој дел толку.
Има поставено две камери кои се wide angle, едната гледа во мојата гаража и во колата (небитна) и друга камера која "демек" го гледа неговиот влез во станот, а снима уште еден цел спрат нагоре и дава известување кој е дома, а кој не. Во последниов месец имаше страшни упади во станови.
Прашањето е следно - Според законот нели треба 70% да потпишат од станарите дека се согласуваат да има видео надзор внатре во зградата. Тука комшиите не можат да се договорат за една сијалица, не пак за камера. Дали можам да пријавам и во кој дел од кривичниот законик е тој член?
Секако ќе се посоветувам со мојот адвокат, но не е на штета и друго мислење. Фала.
Ми треба само кој член од кз го содржи овој дел.
За вршење на видео надзор во станбените згради потребно е да се добие согласност од сите сопственици во станбената зграда. Воедно при вршење на овој вид на надзор забрането е снимање на влезови на индивидуални станови и на други сопственици, што значи дека е дозволено да се снимаа заедничкиот влез на зградата и останатите заеднички делови од станбената зграда без притоа да не се навлегува и нарушува приватноста на индивидуалните делови (станови).
Видео снимките од надзорот на станбените згради забрането е да се пренесуваат преку кабелска телевизија (јавна или интерна мрежа), преку интернет или други електронски средства за пренос на податоци.
