Она што фали од тие времиња, најмалку е поврзано со економската положба. И тогаш некои имале, некои немале, како и сега. Воглавно по исти принципи, кој успеал да се снајде во владеачката гарнитура. Жестоките противници ги чекал голи оток, а оние помалку жестоките, тие биле ставани на маргината на општеството. Она што недостасува е сигурност. Порано си можел со YASSA ранче на грб, и со карта воз, да прошеташ низ сите овие држави, и да се јавиш еднаш неделно дома - без да те мислат.
А што се однесува до тоа дали била вештачка творевина, па јасно е дека била, ама кој вика дека US of A не е? Па опстојува! Финтата е, кога ќе реши некој (останатите европски велесили) дека може да му засметаш на патот да направи распределба по сопствен терк на светските богатства и ресурси, тогаш ќе те растури, и ќе те посвои! Никому не му одговараше моќна Русија, а уште помалку моќна некапиталистичка држава во сред Европа. Јасно ко` ден! И кој најмногу го окрка од тие што учествуваа во растурањето?! Оние кои најмногу се залагаа да не се случи тоа.
Сепак, учејќи историја, сватив дека ништо не е вечно, и промени мора да има. Ќе доживееме уште некоја војна, Некои држави ојакнаа, други - што биле јаки, ослабнаа. Овие ојачаниве ќе бараат пазар за своите производи, а и ќе бараат природни ресурси. Нова економска поделба на светот е на повидок, само се регрупираат силите во моментов. Не се ниту овие „светски кризи“ за џабе. И реално, најдобро е да почнеме веќе да припаѓаме кон некој сојуз, пошто вака може само да го окркаме и тоа дебело! Ќе не` голтне, кој прв стигне!
