Побарав да најдам нешто слично на оваа тема, нешто како што е Карклуб тестови за нови автомобили, само што овде може да се споделе искуство со секаква кола. Овде има доста членови што смениле по 2-3,5,10+ коли, па дај споделете ваши искуства, како сте задоволни, добри-лоши страни, препорачувате да се купи или да се избегнува. Може и на кратко, лоши и добри страни. Јас не сум некој многу искусен возач и немам многу коли сменето, ама ке почнам од почеток.
1. Renault Clio 1.2 benzin 1996год 500евра БГ табли
Мојата прва кола на која се научив колку толку да возам. Мала, економична, имаше ремус и доста бучна и лута. Не сум имал никакви големи проблеми освен со електрониката на опаљачот и лоши осигурувачи. Ја скапав од возење, како мало дете на лижавче се радував, но на крај на враќање од свадба, премногу пијан, ми излезе едно паркирано ауди а6 караван 2.5 и ја испратив во отпад за 200евра. Сепак си научив една добра лекција, во загуба не сум бил пошто за 500 купена а 200 продадена, неодржувана, први чекори и први лекции, се исплати количето. Би го препорачал за почетници
2.Opel Astra GL 1996год. 82кс бензин 120 000км 650евра
Втората кола, ме чекаше на аеродром во Гетебург. Исто како и претходната, премногу и се радував, зошто последен пат пред да седнам и да ја возам астрата беше сообраќајката со клиото. Со астрата имам пренесено целиот мебел од Икеа до дома(60км еден правец), во најлоши услови(многу лош дожд), со отворен гепек врзан со церада пошто душеците излаваа не се собираат во хеџбек. Имав проблеми со зглобовите на едно од тркалата, па мајсторот не го намести добро и ми излижа 2 предни гуми, ама 2пати преселување сам со астрата(жената не ми е баш снажна), зимо-лето без никаков проблем, ја продадов пошто си купив нова кола и ја дадов колку да не е беспари(250евра) и ден денес се каам што ја продадов, пошто имаше многу здрав мотор и тоа беше тенк за мене и ме служеше до работа, целиот извалкан прашина ова она... Би ја препорачал колата за секоја пригодба
3.BMW 318i E90 2010год 2.0 бензин 143кс 120 000км 11000евра
Мојата трета кола која и ден денес ја користам и тоа ми беше еден мноооогу голем скок. Отидов 500км само поради колата, претходно мојот избор беше Ауди А5 2010+ и никогаш не сакав БМВ да купам поради нашите сељаци(не сакам да им бидам конкуренција) и многу фукушерска кола ми била, но кога ја видов оваа кола, тоа беше како љубов на прв поглед, бело бмв со црни бандаши затемнети стакла(никогаш не сум ни помислувал или посакувал). Кога отидов и ја купивме, првото седнување во колата, чуство што не верувам дека ниедна кола во иднина не може да ме возбуди. Не знаев што да правам, се фатив за воланот, се сеќавам се држев како ненормален и се тресев и само викав “Леле срц!“ на жената и неколку минути седев така и не можев да се соземам и да кренам, не знам како да го опишам тоа чуство, ама бев пресреќен во животот(можеби најсреќниот момент). Пу, пу фала богу не сум имал некои големи проблеми, секако некои си ситници(слаб контакт на светло, и сл.), со текот на времето помислував да ја сменам за некоја понова, појак мотор, се мислев за 428и, но чуството што го имам кон колата никогаш нема да ја продадам, особено сега кога се потсетив кои чуства ги имам кон колата. За мене лично, колата ми е доволна(иако би сакал барем 170кс најмалку да има), за млад пар како јас и жената, колата ни е петка, сите потреби задоволени. Оваа година патувавме од Шведска до Грција на одмор, тоа можам да го одвојам како долга релација(2 дена пат) и само дали од промената на температурата во Хрватска и во Македонија ми прегорија Н7 сијаличките. Би ја препорачал да речам за почетници, ама кога би повторно избирал, би земал најмалку 320и или 330д(иако не преферирам дизел, само бензин!)
4.Hyundai i10 2015-2016 бензин
Колата беше рентакар во Мајорка и за такви места каде уличките се тесни, некаде дури и претесни 2 коли да се разминат, количето беше супер. Мало, луто, со 5 врати, без сензори за паркинг, клима, лесно за управување, лесно за паркирање, одлична количка за во град. Не е баш конфортно за повисок и подебел човек, 2пати си бапнав главата на излавање, внатре пластика, не е баш удобна вожната, али јбг не е седан.
пс. доколку има слична тема, или мислите дека темата не е прикладна или штотизнам од која причина не треба да постое, фрлете во канта
