Проблем со чуден звук и мирис - Тојота

[AUUU]

Момци,

Ќе ве замолам за помош, проблемот е следен:

Се обидов да ја запалам колата најнормално, како и секој ден, само сега почна да работи многу чудно, звук како да се распаѓа и почна чудно да мириса на несогорено гориво во гаража.

Е сега се сомневам на три работи:

1. Некој свеќица откажала
2. Сум сипал дизел наместо бензин (мислам дека не, ама се бива) а возев едно 20 км сигурно од полнењето и немаше никаков проблем
3. Нешто трето....

Се работи за мојата Toyota Corolla 1.6 VVTI, бензин.

Дали некој има појма што би можело да биде и како да проверам ? Имам некаде и кључ за свеќици, ама никогаш не сум го користел. Или некој да препорача мајстор во близина, центар, карпош, што би се нафатил да дојде пошто колата мие во подземна гаража.

[Tischläufer]

Изгледа како палењето да е изместено. Сензор за радилица / брегаста нешто такво. Не јавува check engine?

[Simo - Carrier159]

Нешто трето (и најверојатно): Рикната  бобина.

[Tischläufer]

Ќе јави check engine.

[Simo - Carrier159]

Ќе јави, не се секирај. Обично не јавува одма, а чоекот не ја возел, туку само ја запалил, се растропала на 3 цилиндри, подзасмрдело неизгореното гориво и ја угаснал.

[Tischläufer]

Аха, makes sense.

[AUUU]

Check engine свети веќе 100.000 km. ама заради катализаторот.  Утре ќе проверам дали јавува грешка преку Torque.

Да бидам искрен ни свеќици не сум сменил. Веројатно од ова е целата заебанција.

Некој што ќе провери дали е свеќица,  бобина или сл. ?

[Simo - Carrier159]

Еве ти едно брзо упатство како да провериш дали е коилпек (бобина) или нешто друго.

Кога ќе го тргнеш капакот од моторот, ќе ги видиш коилпековите, до секој од нив иде кабел со конектор. Запали ја колата, и почни од првиот цилиндер,  да ги отшекуваш кабелчињата (види како се отштекуваат прво, обично имаат некој тип на осигурач).
Отштекај од првиот цилиндер, ако се влоши работата на моторот уште повеќе, врати назад, тој коилпек работи.  И терај по ред. Во моментот кога нема да настане промена, односно ќе си работи исто лошо, тој цилиндер не пали.
Да рчеме дека проблемот си го лоцирал на вториот цилиндер.
Отштрафи го коилпекот, обично на еден штраф е, и замени го со тој од првиот цилиндер.
Ако проблемот се пренесе на првиот цилиндер, тогаш тој коилпек е отиден. Ако остане на вториот цилиндер, тогаш проблемот е нешто друго. Може свеќица, а може и нешто повеќе.

[AUUU]

Фала ти Симо!

Утре сабајле пробувам,  па ќе пишам што сум направил.

[AUUU]

Е вака...

Вчера пробав како што напиша @Simo - Carrier159 да извадам еден по еден кабел од бобините. Пробав ама кој кабел и да го извадев се гасеше моторот, пробав со сите 4.

Еве кратко видео од проблемот:

[Tischläufer]

Дали е бројот на вртежи повишен? Изгледа како да работи со накај 1500-1800 вртежи.
И тропкање некое има или така ми се чини? Како да е прерипан каиш (мада нема како да се случи тоа само од стоење).

[AUUU]

Тропкање има и тоа доста.

НЕ ми текнува дали е повишен број на вртежи, само приметив дека потешко пали.

А има ланче, нема каиш.

[Simo - Carrier159]

Ми личи како да работи на сите 4 цилиндри. Звукот делува како фазниот варијатор на брегастите да е вон фаза. Зголемениот број вртежи претпоставувам дека е поради ладното, па работи „под саух“. Или те зеза варијаторот или некој сензор за варијатор. Сепак сервис да го види, најдобро....

[AUUU]

Фала ви, денес ќе дојде сервисер да види што му е.

[Carpathian Lord]

На Torque некоја грешка ти јави ?