И Honda полека се откажува од атмосферските бензинци и тоа онаму каде што беа најдобри, во Type R изведбите...
Новиот спортски Civic ќе има 2.0 литарски турбо мотор со 210 КС, кој ќе го карактеризира многу повисок вртежен момент на ниски вртежи, но нема веќе вртење на моторот над 7.000 вртежи во минута. Ова ќе придонесе подобро повлекување на излезите од свиоците, како и ултимативно подобри перформанси, односно забрзувањето до стотка за 6,5 секунди и максимална брзина од 240 km/h.
Сепак, љубителите на Honda отсекогаш сакале високи вртежи, односно цедење на моторот до црвеното поле, некаде над бројката 8.000... Потегот на Honda сепак е во склад со Euro 5 нормите, кои досегашниот атмосферски мотор не можеше да ги постигне. Згора на тоа, подоброто повлекување при ниски вртежи, значи дека моторот не мора секогаш да се цеди, па и потрошувачката ќе биде значително пониска.
Интересно, новиот Type R ќе се нуди само како изведба со пет врати, барем на почетокот. Според информациите, развојот е во завршна фаза, а во него вмешано раце има и тјунинг куќата Mugen. Според тоа, понатаму може да очекуваме и многу посилни изведби, некаде на границата од 300 КС, особено што тјунирањето на турбо моторите е многу полесно.
By
rikirulz at 2011-10-10
By
rikirulz at 2011-10-10
