Да најавам еден мал teaser. Денес се подновив со Wintel W8 mini PC.
Има Intel Atom Bay-Trail Z3735F 4-јаден процесор, Intel HD графичка, 2GB DDR3 RAM, 32GB меморија, вградено WiFi и Bluetooth. Најважно од се - работи на 32bit Windows 10 оперативен систем. Со оглед на тоа што Windows 10 има поддршка за таблети и слични уреди, за CarPC е одличен.
Зошто е одличен?
Да се разбереме, Kodi-то на Raspberry Pi е одлично за мултимедија. Но толку, ништо повеќе. Интеграцијата со други уреди, навигација, додатни апликации е никаква. Сето тоа мора да оди преку Linux-от под него, а тоа значи убиство. Плус, програмите за Linux имаат очаен интерфејс споредено со оние од Windows Store-от.
Што ќе добијам со Windows 10 во кола?
Одличен интерфејс, одлична поддршка за мултимедија, веб прелистувач (Microsoft Edge е ТОП), навигација (веќе подесена, и функционира - телефонот го испраќа сигналот на Windows-от преку WiFi tethering), CANBUS преку блутут, бесконечно многу апликации и можности.
Windows 10тката која работи на mini PC-во е истата онаа што би ја ставиле на нормален компјутер. Не е во ништо осакатена, секоја .exe апликација функционира исто како што би функционирала и на компјутер.
Самото тоа што има вградено WiFi и Bluetooth ја олеснува целата работа, интеграцијата на овие два протоколи под Linux беше очајна и мачна дури и го изгубив меракот да го продолжам проектот. Ме радува и тоа што бутира многу побрзо од Kodi-то, на десктоп е за 10тина секунди.
Сега за сега, тоа е тоа, имам обврски со факултет, за месец дена би требало да постирам update, а дотогаш ќе си го подесувам софтверот.
