Проект: CarPC за Opel Corsa D

[cuoresportivo159]

Браво за знаењето, меракот и педантноста.

[DimitarMK]

Предната маска со дугмиња ја завршив, остана уште средниот потенциометар (ротационен енкодер е, но за полесно да разберете) бидејќи за него треба посебна електроника, на притискање да се уклучува радиото и CarPC-то, а на вртење да се подесува гласноста во XBMC.

Дугмињата веќе ги испрограмирав во XBMC, фунционира одлично, ептен ми прави мерак. Идеата е нели во возење да не чепкам на екранот, нема поента во тоа. Жиците убаво ги подредив, ги отстранив вишокот од контролерот кој не се користат, ги залемив една по една, па неколку слоеви heatshrink. Задоволен сум како испадна.

[koce1102]

BRAVO

[Tischläufer]

[M.Meskov]

Auu so zboruis, voa sum go gledal samo na televizija  )

Bravo bravo

A od kade ja kupi plastikata za ekranot?

[DimitarMK]

Две пластики се, таа за екранот и таа што продолжува од екранот наназад. За Astra H е само една пластика. Ги нарачав во Олимпија Моторс по part number, стигнаа за 1 недела. За двете платив вкупно 1800 денари. Цената е скоро иста со онаа што би ги нарачал по eBay и сл.

[Simo - Carrier159]

Постоечкото радио CD30 ќе се искористи само како појачало, додека сите функции како FM/AM, CD од радиото ќе бидат исклучени. FM приемник како што кажав погоре, ќе има на компјутерчето, и ќе се контролира преку XBMC-то.

Нема да ти биде поедноставно да земеш нешто вакво да интегрираш за појачало отколку да го „касапиш“ фабричкото?

[DimitarMK]

Па во план беше понатака да направам друго излезно појачало, сега за сега ќе го искористам фабричкото. Ова баш и нема некоја поента, скоро исто е по спецификации како и фабричкото, нема ни разлика во звук да се примети.

[Simo - Carrier159]

TDA7850 го бутаат насекаде. Мислев за поедноставна изведба, готов елемент со влезови и конектори за напојување, + лесна контрола на power/stand-by од raspberry-то..

[DimitarMK]

Немам одамна нешто постирано, моментално возам прототип верзија каде што секојдневно ги воочувам недостастоците и смислувам решенија како да ги оправам. Го ставив екранот, меѓутоа тачот сеуште го немам конфигурирано. Има еден проблем со звукот кој страшно ме нервира, се слуша шуштење во позадина на секоја песна, веројатно тоа ќе се реши со USB звучна картичка. 

Набрзинка на перфорирана плочка ја направив електрониката која има 2 step-down switching регулатори за 5V, 2 релиња и микроконтролер за контролирање на уклучувањето/гасењето на Raspberry-то.


Имам една идеа, да ја извадам оргиналната плочка од радиото и да направам моја, која ќе ги има сите потребни компоненти на неа, како регулатори на напон, микроконтролер, излезно појачало и сл. Идеата ми е со помош на пријател електроничар да нацртаме плочка и да ми ја испечатат со сите тертипи како soldermask и сл.

До поискусните во car-audio: Какво излезно појачало препорачувате? Би било  пожелно да е некое од овие интегрираниве TDA поради едноставната конструкција. Јас сум задоволен и од ова фабричково кое го имам, па може истото да го искористам.

[SaleSk]

Па ако си задоволен искористи го фабричкото.
Инаку веројатно шумот ти е или од аудиото на расберито или од некој неширмуван кабел?
За излезни појачала има многу варијанти.
Предлогот од Симо е одличен.

Околу печатењето на плочката. Треба да знаеш дека можеш многу да изгубиш на квалитет на звук. Би ти препорачал да оставиш се од фабричката плочка, а да направиш дополнителна ако ти треба. Квалитетни ширмувани кабли за сигналите за да го избегнеш шумот.
За ваков проект треба многу експериментирање, желба, време и знаење.
Со оглед на тоа дека се имаш, со среќа во проектот.

[DimitarMK]

Пробав со различни телефони наместо Raspberry-то и нема никаков шум. Не е ни до напојувањето, тестирано и со батерија - ист резултат. Аудио сигналот галвански го изолирав со трансформатори, доста од шумот се намали меѓутоа сеуште е таму.

Тоа што треба да го содржи плочката е: Излезно појачало, свичер за влез помеѓу Raspberry/AUX, контрола на гласност преку ротациски енкодер - MAX5400 би завршил работа, микроконтролер за контрола на сето ова, и плус некои ситници. Да се одлучам кои компоненти би ги искористил, па ќе направам една шема за почеток.

Благодарам на советите - многу ми значат.

[Tischläufer]

Благодариме за твоите идеи, многу ни значат.

Предлог до администрацијата никнејмот на DimitarMK да се промени во Maestro DimitarMK

[negoznam]

Што поточно користеше за изолација на аудиото? Може да пробаме со филтер(во Dog Security) да видиш дали ќе има разлика. Таман и да го ѕирнам во живо проектчево

[DimitarMK]

Ти благодарам на пофалбите Џонтра. 

@negoznam, користам нешто слично на ова


Инаку, го пробав Raspberry-то и надвор од кола, на hifi појачало со различни напојувања, пак го има истиот проблем на 3.5mm излезот, решение е HDMI to VGA конвертер со излез за аудио (HDMI to HDMI со аудио е многу поскапо) или USB звучна картичка. Постои и звучна картичка за Raspberry-то, HiFiberry, но не планирам дадам 40 долари за тоа.