Време дојде да ја објавиме следната екскурзија (која најверојатно и ќе биде последна годинава - почнува ладно време и пократок ден). Екскурзијата ќе биде до Кнежино - Кичевско, по препорака на Џиџи. Сите мрчења, незадоволства и протестирања упатете ги кон него.
Како и за минатиот пат, и за овој пат важат истите детали:
Ден: 09.10.2011 (Недела!)
Собирање: 09:30-10:00
Место: Пред спортската сала Борис Трајковски во Скопје
Тргнување: 10:00
Забелешка: Би ги замолил сите кои ќе ни се придружат да стигнат на време, за да можеме на време да тргнеме!Правила на однесување:
- Ќе возиме во колона.
- Ќе се движиме според дозволените брзини и условите на патот. Нема летање.
- Поентата е да се движиме заедно и да стигнеме заедно.
- Секој е одговорен за своите постапки.
- Секој си ги сноси трошоците.
Локацијата би требало да им одговара и на Охриѓаните и на Битолчаните, па би било фино ако и тие ни се придружат. Исто така, сите кои сакаат да дојдат, а не се во состојба да дојдат со свое возило - договорете се со некој од луѓето кои ќе доаѓаат за место во автомобил. Сигурен сум дека нема да има проблем.
Овој пат, собирот ќе биде пикник. Им препорачуваме на сите кои ќе учествуваат да си спакуваат соодветни намирници за денот. Ако некој сака да прави скара, слободно нека прави, но носете си скара, ќумур, и што и да треба. Секој ќе си биде сам одговорен за намирниците. Фала богу ќе се дружиме и ќе делиме. Имајте во предвид да си носите столчиња, некоја масичка, или што и да е за седење.
Тема на денот: Импресионирајте ги клаберите (особено мене) со добра храна.
До Јове: Како резидентен Кичавчанец, имаш задача и обврска да се распрашаш каде во близина има културно и добро кафанче кое би ни дозволило да си однесеме храна (као скара итн) во случај да стреба (а сигурно ќе стреба).
До другите: Сите што ќе доаѓате, ве молам да се пријавите, за да знаеме некоја отприлика бројка на учесници.
Ви благодарам на вниманието. Да си поминеме одлично!
