Дојде ред да ја претставам колата и јас.
Тојота Аурис 1,4 со 97 кс и Луна ниво на опременост.
Од опрема има она што сите коли денес го имаат, климатроник, електрика на сите стакла и ретровизори, серво, АБС, дрн дрн ...
Нема ЕСП и нема мултилинк.
Еве и некоја слика:
Една од внатре:
И една за да му идам контра на времево
Колата е 2007 година, и земена е нова. До сега има поминато ~44.000 км, на 26.000 км и беше ставен плински систем Ловато.
Моторот е 1,4 со 97 кс, кој за да додат до израз треба вртежите цело време да бидат над 4.500 а тоа е и напорно и напнато и заморно.
За низ град ми е одлично моторчето а за на отворено е тиња. Низ град потрошувачката се движи околу 11 литри плин, и пред да кажете дека е многу, јас сум задоволен со оглед на релациите кој ги возам, односно повеќе стојам или лазам отколку што возам.
На отворено троши 8 литри. Кажав моторот е слаб и тром ама кога ќе се навикнеш како да го возиш може да се преживее и со него.
Страшно просторна и практична кола, висока и без оној тунелот на средина пореди што позади може комотно да се возат тројца со нормални димензии.
Мене лично покрај тромиот мотор ми смета што е многу пластична внатре, иако оваа е со средно ниво на опрема.
Колата за цело време се сервисира во Тојота, и до сега освен редовните сервиси, направени се следниве вонредни сервиси:
- Сметеа е предната долна фиока во гарантен рок, два пати и тоа, двете се извитоперија и не затвараа од едната страна.
- Сменети се предниот и задниот десен амортизер на 15.000 км, истечени беа и иако не подлежеле на гаранција мене ми ги признаа и за промената не платив ништо.
- Сменет е крстач на волан плус уште некој дел на воланот исто на 15.000 км, и сега истиот тој крстач пак тропка, го затегнав еднаш се среди за да после 500 км пак почнува по малку да тропа при вртење на воланот. После одмори сам ќе го средам, ќе му ставам појак штраф или ќе смислам како да не се олабавува.
Лани малку ја чукнав па предниот браник беше на лепење во Драчеви и фарбање во Олимпија моторс.
И да не тупам, од сега натака сите промени, добри и лоши моменти со колата ќе ги пишувам во гаражава.
