Здраво, барав на форумов одговор на моево прашање ама не успеав да најдам, се дискутира само за промена на таблици при купопродажба и промена на сопственост.
Во мојов случај го сменив местото на живеење, а со тоа и личната карта од еден град во друг, па мора да ги сменам и таблиците. Значи нема промена во сопственоста на возилото. Дали знае некој која е процедурата? Како што прочитав на АМСМ, возилото треба да се одјави во општината каде се издадени таблиците и да се завери во сообраќајната дека е одјавено, па после со одјавената сообраќајна се оди во новото место на живеење и се бараат нови броеви.
Е сега, ме интересира дали со оваа постапка престанува важноста на моменталната регистрација т.е. ова треба да го направам на крај на важноста на регистрацијата за да не ми пропадне дел од веќе важечкиот период, или може да се направи било кога и да се продолжи важноста на регистрацијата до истиот период само на новите таблици. Колку се ажурни нашиве ни служби со спроведување на одјавата, или ќе ме остават една недела без возило?