IN MEMORIAM: Ненад Николовски (1971-2015)

[SaleSk]

После тешко боледување вчера во Скопје почина долгогодишниот натпреварувач и спортски функционер во автомобилизам Ненад Николовски – Нено.

Нено го посвети својот живот на автомобилизмот. Прво како натпреварувач беше дел од првиот шампионат на Македонија во 1992 година настапувајќи на Водно. Последниот свој настап го имаше на истата патека во 2011 година каде го освои првото место во својата класа. Во меѓувреме го основа авто клубот „Коне спорт“ за кој настапуваа повеќе познати натпреварувачи. Покрај тоа, беше долгогодишен спортски функционер, претседател и член на техничката комисија на патеките ширум Македонија.

Љубовта кон  авто спортот Нено му ја пренесе и на својот син Коста кој со успех го наследи на тркачките патеки од 2012 година.

Нека почива во мир.

http://brzkrug.com/2011-03-31-21-30-49/mk-avonews/15227-in-memoriam---1971-2015

[AllMightyMe]

Нека почива во мир

[Dzo]

Нека почива во мир.

[Kikac]

Стварно жално, секогаш беше спремен да жртвува непреспиена ноќ пред трка само за да помогне, а од сабајлето полн со енергија правеше шеги... Таков човек ретко се раѓа, колку само киснења и зезанции паднале со него и Коки во гаража тоа не се брои, стварно е жално што вака заврши...

почивај во мир ЛЕГЕНДО

[onak]

почивај во мир друже. лесна нека ти е земјата.

[zeroSignal]

Ненад ми беше комшија, дијагонално ни се допираат дворовите. Ко мал трчкав кај него низ гаража, кај него на компресор ги пумпав гумите на точакот. Само убави сеќавања ми остануваат. Почивај во мир Комшија..

[Igor]

Нека почива во мир.