@godofspeed
Поддршката за изложбата е сосема заслужена - настанот беше многу добро организиран, особено со оглед дека прв пат се организира. Самиот побара критики и забелешки, и самиот рече следната година подобро, а сега кажуваш „критичарите ќе ме тапкаат по рамо и ќе ми кажат каква изложба си направил.“
На таквите луѓе подај им рака, кажи им фала и цени ги нивните забелешки. Ако луѓето не те критикуваат, значи дека не се грижат. Ако те критикуваат, значи дека се грижат и дека сакаат да биде подобро.
Немој да ја правиш грешката да мислиш дека 10% од луѓето се разбираат нешто од коли и тјунинг. Забораваш дека ова е Карклуб. Место каде што луѓето се дојдени заради коли, па и тјунинг. Ако нечиви забелешки и критики ги сфаќаш сериозно, сфати ги сериозно тие што доаѓаат од луѓето што се на карклуб.
Размисли - што е подобро, сите да ти викаат дека е супер, и следната година да не биде подобро, или луѓето искрено да ти дадат забелешки, па заеднички следната година да направиме уште подобар настан?
Не станувај арогантен, не ти личи. Никој не ја оспори квалифицираноста на судиите. Ама како што секаде се случува, понекогаш знаат и судиите да згрешат. Ништо страшно, одиме понатаму, кон подобро.
@Mak1: CARclub го поддржа и го пофали настанот затоа што настанот си го заслужи тоа. Сите пофалби што се дадени се оправдано дадени. Јас од прв ден го поддржав настанот на Коста, и му реков дека ќе му помогнам за сè што можам, и не го направив тоа за некаква благодарница, туку заради тоа што Костадин е фин човек кој побара помош и кој со текот на времето ми стана пријател, односно е човек кој со гордост можам да го наречам пријател. Сосема е нормално да имаме некакви забелешки. Не се тие лични кон вас. Побогу, смирете се.
