Здраво дечки,
прошетав по салониве изминатава недела, па еве да пишам импресии...
Ќе почнам со VW.
Приемот беше добар, само што типот кажа дека не бил запознаен со тековните цени и понуди па не замоли да поминеме во текот на работната недела да ни дадат повеќе инфо и тест возење(таму бевме во Саботата)
Добар впечаток ми остави Голфот во живо, внатрешноста стварно е квалитетно изработена. Единствена замерка според мене е тоа што и во највисоко ниво на опрема сериски го ставаат најмалиот екран на допир од 5 инчи што воопшто не изгледа добро според мене. По каталог, доплата за поголемиот (5.8инчи е 850 евра, додека за истиов во Сеат, доплатата е 350)
Опел (Олимпија моторс)
-------------------------
Многу ми се свиѓаше пристапот на човекот таму, многу пријателски став вреден за пофалба, кафенце, добро запознаен со сите детали од колите, па ни понуди и тест возење истиот ден.
Возењето ми се допадна, доста комфорно и смирено. Моторот делуваше солидно, но не осетив некоја посебна моќност во колата (не знам колку е тешка инсигнијата која беше со космо ниво на опрема)
Од внатрешноста мене лично не ми се свиѓаше пластиката употребена на централната конзола, а исто така не ме бендиса тоа што колата беше опремена со радио РФ400 (едно ниво над основното), со ова радио не доаѓа тој интерлинк системот кој што има контроли од страна до рачната кочница (тој доаѓа со РФ700 за кој се доплаќа 900 евра), така што на тоа место имаше само пластика која беше во форма како контролите, што мене ми изгледаше многу чудно
.
Можеле да го тргнат тој модул и да стават држач за чаша или нешто, но тоа е мое лично мислење
Со космо ниво на опрема и 2.0 - 130 КС ни дадоа многу добра понуда, која што беше многу под официјалната, 24 000 но сепак е над мојот буџет. Таа беше последната кола станата на лагер, за нарачка се чека 3 месеци.
Рено, Тојота, Цитроен, Пежо, поминав но бидеќи не ми се во потесен круг, нема да се задржувам во детали.
Форд
------
има добри цени, но едноставно кога ќе споредам внатрешност со останативе кандидати, мене лично не ми се свиѓа, а и од позади не ми се допаѓа како изгледа воопшто.
Сеат
-------
Исто така добар прием, може да се бира од колите што се на лагер, за порачка сега немало можност бидеќи имале доста возила на лагер.
Ни понудија супер цена, која што за стајл со целосни лед светла и 17ки бандаши доаѓаше околу 17500 со 1.6.
Проблемот е што сите возила беа со 1.6 моторот (без мултилинк позади), и сите беа со тој најмалиот екран на централната конзола, што мене искрено не ми прави мерак. Тој големиот 5.8 инчи го имаше само во еден модел со 3 врати.
Во однос на возење нема што многу да коментирам, го имам пробано, ми се допаѓа во глобала, сакав да го пробам 2.0 ама како што кажав го немаше на лагер.
Мазда
-------
Многу добар прием во салонот. Им кажав за што сум заинтересиран (2.2 дизел во revolution ниво на опрема). Девојката ми кажа дека моментално тој го немаат, и тешко било да се порача, не знаеше многу детали зашто е така, па дојде нејзиниот менаџер кој што многу подобро ја објасни ситуацијата.
Според него, поради многуте порачки, возилата што им се веќе порачани би стигнале за месец дена, но ако се прави сега возило по нарачка (според моите желби) колата би стигнала дури Септември.
Опција која ми ја понуди беше од порачката која што би стигнала крај на март, која вклучува Challenge ниво на опрема. Таа каталошки со 2.2 дизел е 21 500 но со оваа понуда би била 19 980, со тоа што во цената ќе биде вклучено и металик боја и паркинг сензори кои не се стандард за ова ниво на опрема.
Им пиша барање на бугариве да провери дали од лагерот таму би ослободиле една кола со revolution ниво на опрема, но и да е така, цената на таа би била 23 500,(вика на оваа од таму највероватно нема да даваат попуст) така што разликата би била 4000 евра што е премногу за мене.
-----
Така да сумирам, од возилата, маздата ми остави најдобар впечаток (седан верзијата), (внатрешноста за нијанса повеќе ми се свиѓаше во голфот хајлајн, но кај него надворешноста не ми се допаѓа)
Challenge нивото на опрема има се што ми треба освен ксенон светла, но како што спомена Дени, бидеќи се со лупа, во иднина можеби би можело да се стави.
Ќе размислам наредниве денови, не се брзам.
Сите коментари се добредојдени.
Поздрав.
