Фетел бара брза реакција од неговиот тим
Напишано од pitstop.com.mk Вторник, 12 Јули 2011 13:21 PDF Печати Е-пошта
Првиот возач на Red Bull, Себастиан Фетел, побара од неговиот тим подобрување на болидот, се со цел да се спречат шансите на Ferrari и Алонсо за освојување на шампионската титула.
Фетел смета дека сега престои најбитниот дел од сезоната во кој мора да се елиминираат шансите на Ferrari за освојување на шампионската титула.
„Трката во Силверстоун беше тешка, а Фернандо Алонсо беше многу брз. Тие не победија, мораме да го прифатиме тоа и да го разгледаме проблемот.“ - изјави Фетел.
„Се наоѓаме во многу битен дел од сезоната. Ја добивме лекцијата, и сега треба да се потрудиме да настапиме на следната трка со добар болид. Сеуште сме на добра позиција, но мораме да продолжиме со развојот на болидот за да успееме да ја задржиме предноста пред останатите.“
Тимскиот шеф на Red Bull, Кристијан Хорнер, додаде дека Фернандо Алонсо на делови од трката во Силверстоун бил убедливо најбрзиот возач.
„На пневматиците за влажна патека се покажавме во добро светло.
Но, кога горивото во болидите се намали, а патеката стана сува, тимот на Ferrari се покажа како доста брз.“ - изјави Хорнер.Фернандо Алонсо има негатива од 92 поени зад водечкиот Фетел, но тој смета дека со евентуална грешка на Германецот тој повторно ќе се врати во битка за шампионската титула.
