Ferrari денес во Унгарија реши да донесе ново надградено предно крило кое би требало ја зголеми надолната сила на болидот F150, согласно со посебните карактеристики на унгарската патека.
4,4 км долгата Хунгароринг не се смета како „пријателска“ патека за болидите на Фернандо Алонсо и Фелипе Маса. Но, исто како во Силверстоун кога Ferrari успеа да се врати во живот, во Маранело во меѓувреме напорно се работеше со цел да се надоместат аеродинамичките загуби кои до пред неколку седмици претставуваат значителен проблем за тимот.
Па така, големото изненадување во Унгарија за F150 ќе биде комплетно новото предно крило, кое ќе има за задача да и помогне на латинската пилотска двојка да остане конкурентна низ остатокот од сезоната и да продолжи да се бори со Red Bull и McLaren рамо до рамо
