Не радува Вашиот интерес за мерење на перформансите на Вашите возила.
Ве молиме кога ќе обезбедите сигурна квота од 10 автомобили (не е препорачливо повеќе пред се заради комодитетот при работата и секако квалитетот на извршената услуга), да се најавите најмалку 10 дена порано заради организирање на времето и просторот.
Од искуство знаеме дека со возачот ќе биде присутен најмалку уште еден или двајца колеги ако не и повеќе, што значи дека ќе присуствуваат можеби 30 луѓе на настанот плус нашиот персонал. Сакаме Вашата безбедност, како и безбедноста на Вашите возила да бидат приоритетни, денот да помине забавно, а професионалноста да се задржи на високо ниво.
Денот ќе мора да биде неработен (недела) и пожелно е времето на собирот да започне околу 8-8.30ч. наутро, за да веќе во 9ч. стартуваме со мерење на првото возило. Автомобилите треба да се чисти, исправни, да имаат здрави гуми, да нема капење од моторот и тн.
Цената за групни (обично клубски) мерења е 1.500,00 денари. Во неа е вклучена и дијагностика на Вашето возило, бришење на грешки, издавање на Сертификати од мерењата, совети околу одржување на возилото, можности за чип тјунинг на Вашиот автомобил и очекувани придобивки од истиот и тн. Сметаме дека цената е и повеќе од коректна и максимално прилагодена за наши услови.
За рекламирање веќе сме во тек на преговори со сопственикот на carclub, бидејќи и ние сакаме чисти сметки пред се.
