Скоро година дена помина, а не сум направил апдејт на темава...Госпожата се пишманеше, те сака, те неќе кола, па немало толку да и треба, за на крај летово да ми се качи на глава како тоа сум трошел пари на секакви глупости и екскурзии, а она се вози со точак. И така пред месец и кусур, конечно бидна, ја моторизирав. Сеа се развозува со Mercedes A180 CDI 2005 classic.
Го купив од гастербајтер од Охрид, со ценкање и понижување, 4800 евра. Тој ја купил половна за жена му, донесена од Швајцарија во 2011, поминати 170.000km. Каросериски, не е слупана/тумбана или слично, сите столбови се нечепнати и сите линии стојат на место како од фабрика. Единствено возчката врата е најверојатно закачена и фарбана, но ништо од столбови, парг или друго. Внатрешно ентериерот е многу сочуван, ко да не е 10 години стара и ко да ја нема таа километража. Моторот е стакло, нема никаде капка уље капнато, не дими, прима и влече. Па затоа и се одлучив за овој од не знам колку разгледани Мercedes A класа.
Претходниот сопственик само што ја имаше регистрирано, т.е. недела дена подоцна јас му ја купив. Покрај тоа добив ганц нови гуми Sava Eskimo S3+ 185/65R15, купени во Април, возени 1000km, нов акомулатор купен пред два месеци, сменети геачи на нафта пред пола година и променети лагери на предни тркала пред два месеци. Добив гратис и клима фолии на сите 4 стакла со атест.
Веднаш штом ја земав потрошив еден ден за да и најдам саглам алуминиумски бандаж. Во Сингелич најдов безпрекорно сочувани, без зуцка и без било каква деформација, 16-ки од B класа 2009. Тие се пола цол пошироки од стандардните, т.е. 6.5 наместо 6 цола па наместо нестандардни и 30% поскапи 195/55R16 гуми и купив нови Hankook Ventus 205/55R16 гуми. Иако само 1cm пошироки, некако имам чуство дека помечкесто делуваат 205-ките во однос на 195–ките, а покрај со поголемите гуми возењето треба да има за нијанса поголема мекост и стабилност.
Од таму, со Гугле на чело ја однесовме на технички да ми го прегледаат подвозјето детално. Утврдија дека дека десниот преден амортизер не е добар, а левиот е на 50%, одека задните се супер. Па пошто со таа кола се вози жена ми и децата, да не ги мислам сменив колмплет два нови предни Монро амортизери, Лемфордер буфери со лагери и незнам какви стабилизиатори. Практично подвозјето го напраив фабрика за да не ја мислам госпожата со колата. А обратно, за да не ја мислам колата кога паркира госпожата и турив и паркинг сензори. И уште една работа што сакам да ја сменам се предните плочки. Поприлично се изедени, а и не ми се допаѓа како кочи возилото, па здравје да се приберам викендов и тоа ќе бидне.
Парично гледано, на тие 4800 потрошив уште 1000, но за 5800 евра добив комплетно технички исправно возило на кое во наредни 5 години освен филтри за уље и масло не треба ништо друго да му чепкам/менувам. Додуша сакам уште некои козметички зафати да му направам, т.е. да му турам калници затоа што е црно и многу се познаваат прсканиците зад тркалата. Не знам дали има во Македонија некаде да се купат типски калници или морам да ги порачувам од ебај.
Инаку, како поминува време, се повеќе ја засакувам колата и покрај тоа што не е моја и не ја возам јас! Неверојатно е колку многу е просторна, т.е. веројатно е. Има простор исто колку возилата во т.н. Голф класа, само што е повисока за 10+cm од нив, а има исто толку големо меѓуоскино растојание(2.56m), па и исто е тешка (1350kg). Моторот, 2L турбо дизел со 110KS е повеќе од доволен за агилно да се понаша во градски сообраќај. Единствено потрошувачката е повисока од она кое го очекував(си замислував како VW Polo 2008 1.4TDI 80KS какво неколку години возев како службено), најверојатно поради мојот стил на возењe и затоа што се работи за 2L мотор, но е релативно многу пониска во однос на некоја бензин варијанта со слични перформанси. Она што ме изненади позитивно е тоа колку добро се понаша колава во кривини при агресивно возење со оглед на нејзината висина, секоја им чест на Мерцедес.
Во моментов не сум во Скопје, од сликици имам нешто од Вибер што ми сликнале други, ама штом се приберам викендов ќе го исперам и сликам во соодветна тема за ку*чење.
