Како што веќе знаете, целта на овој форум е да прерасне во автомобилски клуб за ентузијасти. Полека но сигурно се движиме кон таа цел, и веќе почнавме да остваруваме контакти и да планираме настани.
Веќе е договорена соработката со АвтоПлус, и под покровителство на АвтоПлус на пролет ќе организираме неколку интересни настани. Не би сакал да ги објавувам уште сега, но бидете сигурни дека ќе бидат навистина интересни за вистинските ентузијасти.
Понатаму, договорена е соработка со уште неколку организации кои ќе бидат од корист за членовите на клубот, и што е уште поважно, ќе ни обезбедат простор за редовни собири, итн, во пријателска и опуштена атмосфера.
Е сега, многу е важно да напоменам дека овие работи ќе важат за членовите на клубот, а не за сите членови на форумот. Со време ќе ги објавиме и условите за членување во клубот, и ќе ги објавиме и правилата.
Значи, имаме на што да се радуваме во 2011! Очекувајте уште повеќе!
Поздрав
