Денес CARclub полни три години!Дечки, можам само да ви кажам дека сум неизмерно горд на сето оноа што заедно го постигнавме. CARclub е една прекрасна заедница преку која запознав луѓе кои со задоволство и гордо можам да ги наречам пријатели. Покрај заедницата, прераснавме во сериозен и читан медиум зад кој стои истата таа заедница и секој ден не мотивира сите нас да бидеме уште подобри. Зад нас има многу, а пред нас се надевам уште повеќе.
Морам да им се заблагодарам на сите кои помогнале CARclub да стигне до она ниво до кое е денес - Дени, Симо, Банзаи, Фиц, Дејвокер, Штрумфко и Кими Р - вашата несебична помош е прекрасна и ви благодарам од срце. Сите други членови - ви благодарам што сте тука секој ден, што дозволивте CARclub да стане дел од вашето секојдневие и вашиот живот.
Во изминативе три години се дружевме, се расправавме, пиевме пиво, јадевме скари, пици, пастрмајлии. Се радувавме за родендени, на свадби и за дечиња. Зад нас се скоро 1700 стории на порталот, меѓу кои повеќе до 40-тина тестови, но уште поважно, зад нас се 5868 теми на овој форум, со 539527 пораки!
Дечки, одиме понатаму. Ви благодарам уште еднаш за сета поддршка, мотивација и пријателство Докажавме дека сме најдобри, сега продолжува борбата да останеме на врвот!
Се гледаме
во петок!
