шведскиот производител Волво најави дека неговиот V60 plug-in хибрид, кој треба да излезе во продажба наредната есен, е технолошки најнапредното возило некогаш направено. Од Волво ветуваат дека plug-in хибридот ќе има автономија од 50 km само од батериите и емисија на CO2 од 49g/100km.
Од Волво нагласуваат дека првично планираат да произведат 1000 автомобили од кои 30% ќе бидат наменети за Шведска и останатиот скандинавски пазар, а потоа да го зголемат производството на 4000-6000 возила.
Волво“ има револуционарен пронајдок за електричната иднина на автомобилизмот
Батериите кои се користат во денешните електрични автомобили се скапи и претешки (заради што се троши многу енергија), еколошки се неподобни и на сето ова, преспоро се полнат.
Но, стручните лица на компанијата „Волво“ веќе три години работат на решение. Швеѓаните од автомобилските површини направија своевидни батерии, кои можат да послужат како извор на енергија на стандардните бензински, дизел и хибридни автомобили.
Нивните акумулатори се составени од јаглеродни влакна, наноструктурни батерии и суперкондензатори. Системот прво ќе го применат на поклопецот на багажникот на моделот S80, а истото е можно и на хаубата, вратите, покривот. Сендвич конструкцијата е и цврста и издржлива, а и полесна за 50% од стандардните.
Револуционерниот пронајдок овозможува складирање на доволно количество на електрична енергија и може да се комбинира со plug-in системите и регенеративното сопирање.
Само поклопецот на багажниот простор може во потполност да го замени класичниот акумулатор, а доколку пронајдокот се вгради во останатите наведени делови може да се добие капацитет доволен за изминување на пат од 150км, исклучиво на струја.
