Компанијата "Jaguar" ги откри своите планови за производство на хибриден автомобил чија цена би се движела од 800.000 до 1.000.000 евра.
Интересно е дека тој проект ќе се оствари во соработка со екипата на F1 Williams, а производството на суперавтомобилот ќе трае од 2013 до 2015 година.
Хибридниот модел "C-X75" ќе достигнува брзина до "стотка" за само 3 секунди, благодарение на многу лесната шасија и двата електрични мотори.
Само на електричен погон, овој "Jaguar" ќе може да измине 50 км, а емисијата на јаглерод ќе биде помала од 100г/км, со што автомобилот ќе спаѓа во "најчистите" од неговиот сегмент.
Максималната брзина која "C-X75" ќе ја постигнува изнесува 322 км/ч.
"Jaguar C-X75" ќе има погон на сите 4 тркала, како и мал и силен бензизки мотор искомбиниран со двата моќни електрични мотори.
Овој модел како концепт дебитираше на минатогодишниот саем на автомобили во Париз.
Лесната шасија од јаглеродни влакна ќе биде развиена во соработка со тимот "Williams F1". Тимот кој се натпреварува во шампионатот на Формула 1 ќе ја понуди својата експертиза за карбонски (јаглеродни) влакна, аеродинамична и хибридна технологија.
И нормално, како и сите скапоцени работи, и овој хибриден суперавтомобил ќе се продава во ограничена бројка од 250 примероци, а ќе чини од 781.000 до 1.000.000 евра во зависност од пазарот.
[датотека избришана од администраторот]
