Новата Серија 4 на BMW треба да ја пополни дупката меѓу серијата 3 и серијата 5 која реално и не е толку голема, но Баварците сакаат да ја рашират лепезата и на своите клиенти да им понудат нешто ново.
Првиот модел од новонастанатата Серија 4 ќе биде купето со четири врати BMW 4 Gran Coupe чија премиера најверојатно ќе се случи на салонот во Женева, а продажбите би стартувале на лето следната година.
После него ќе се појави и купето и кабриолетот. Сите овие модели ја носат платформата на серијата 3, но ознаката Серија 3 ќе ја носат само седанот и комбито, а сите останати каросериски варијанти ќе бидат означени како Серија 4.
Сите овие модел ќе ги краси исклучителна динамика како во возењето така и во визуелниот настап. Инсајдери на марката велат дека 4 Gran Coupe ќе личи подеднакво елегантно како 6 Gran Coupe само што ќе биде помало.
Планот на BMW е прво да настапи со најмоќните модели 435i со 306 КС и 435d со 286 КС, а потоа да бидат воведени послабите бензински и дизел мотори. Се очекува и М4 верзија која би се појавила во исто време со М3.
Од BMW очекуваат дека новата Серија 4 ќе и донесе успех на марката пред се на пазарите во Кина и во САД, додека конзервативните Европејци повеќе ќе и бидат наклонети на серијата 3.
Очекувањата се дека во Германија цената на основниот BMW 4 Gran Coupe ќе стартува од околу 40.000 евра. Таа би била слична на прикажаните фотографии кои се неофицијални.
http://vozi.com.mk/vesti/doaga-bmw-4-gran-coupe.html
