На почеток користев K2 Carat Lavender (ко крило на птица полно со виолетова течност). Не знам дали дека се уште беше нова и чиста колата или е до освежувачот, ама се уште за мене е најдобар освежувач што сум го користел. Траеше околу месец ипол, зависи од сезоната, а беше околу 100тина денари. Последниот го купив на Макпетрол кај Мечкаров пред, веројатно, повеќе од година ипол. Од тогаш го снема и лавандата и сите други мириси.
Разочаран од тоа, се одлучив веќе да не користам освежувачи
Арно ама, еднаш случајно пробав еден од Dr. Marcus, Lucky Top Black, у стилот на Little Joe. Мирисот беше скоро идентичен како тој од погоре и одма го земав. Убаво мирисаше, ама кратко траеше, околу 3 недели а беше околу 150ден.
Подле тоа некое време немав ништо, па земав Wunderbaum Sport, шишенце. Мирисот е убав, свеж, ко на машки парфем, ама на моменти малку нападен. Го користев околу 4-5 месеци и има уште 1/4 у него ама веќе ми досади па го "поклонив". А да, добар дел ми се истури на патосници при отварање така што веројатно без проблем би терал пола година. Уште се чудам како толку мн издржа 😂
Пред некој ден успеав да најдам шишенце од Dr. Marcus, со истиот мирис (Black) од погоре ко човечето. Со надеж дека шишенцето ќе трае подолго од човечето, по искуството со шишенцето на Wunderbaum. Се работи за Dr. Marcus Senso Wood Black, ја го земав од Рамстор за 180 али глеам увозници се Еуро-Стил и кај нив е 160. Уште го неам пробано така што за ова ќе споделам искуство за некоја недела 😊
Покрај ова, у коли у кои често се возам знам дека го користеле следново:
- Wunderbaum елка со ванила мирис, мене лично не ми се свиѓа миризбата, али знам дека трае доста ко за елка, 5-6 недели у зимо/пролет/есен.
- Little Joe, поише различни миризи и сите се срање. Океј мирисаат али ееептен кратко траат, 2-4 недели преку сила, а не се ефтини.
- Wunderbaum Clip Black Ice, многу убав мирис, кратко трае ко за цената, одвај 3 недели...
