Кинескиот производител со Израелски партнери ја проширува својата гама – она што денес го најавија е новиот хечбек!
На автомобилскиот саем во Женева, Qoros ќе го претстави новиот Qoros 3, кој всушнот е базиран на седанот со истото име. Дизајнот, особено на предниот дел е многу сличен како оној на седанот, но веќе значително се разликува кај задниот дел, кој нам навистина ни се допаѓа. Интересно и привлечно изведениот заден дел го прави Qoros 3 да биде привлечен и модерен, но без екстравагантни и непотребни линии кои некако се навикнавме да ги очекуваме кај автомобилите со кинеско потекло.
Со овој модел, Qoros се надева дека ќе успее да привлече помлади купувачи кои сакаат малку повеќе практичност благодарение на хечбек каросеријата. Qoros 3 ќе дојде и со 8-инчен мултимедијален уред кој се нарекува Qoros MMH (Multi-Media Hub) и уште многу други интересни модерни технологии. Купувачите ќе можат да изберат меѓу два 1.6-литарски мотори, од кои едниот е со турбо полнач. Тие испорачуваат 125 и 154 коњски сили, соодветно.
Qoros неодамна го привлече вниманието со Qoros 3 – автомобил кој беше прогласен за најбезбеден од сите автомобили тестирани минатата година на EuroNCAP тестовите за безбедност
http://www.carclub.mk/2014/01/15/kineskiot-qoros-go-najavuva-noviot-hecbek-koj-ke-se-vika-ednostavno-3/
