Ја пак барав по законот, нешто најдов, па да видам како ке го протолкувате:
75. ,,Автопат” е јавен пат од највисок сообраќаен ранг, посебно изграден
и наменет исклучиво за сообраќај на моторни возила, означен со пропишан
сообраќаен знак, кој има две физички одвоени коловозни ленти за сообраќај
од спротивни насоки, без крстосување со попречни патишта и железнички
линии во исто ниво и на кој сообраќајот може да се вклучи, односно исклучи
само на одредени и посебно изградени приклучоци на јавните патишта на
соодветната коловозна лента на автопат и кој е заштитен од пристап надвор од
овие површини;
75-а. ,,Пат“ е сообраќаен објект на кој се врши сообраќај;
76. ,,Јавен пат“ е пат кој е определен како јавен пат и може да биде
државен или општински;
76-а. ,,Државен пат“ е јавен пат категоризиран како автопат, експресен
пат, магистрален и регионален пат од прва и втора категорија;
77. ,,Пат резервиран за сообраќај на моторни возила“ е јавен пат по кој
можат да сообраќаат само моторни возила и кој е означен со пропишан
сообраќаен знак;
78. ,,Меѓународен пат“ е јавен пат, кој со ратификуван меѓународен
договор, е распореден во мрежата на меѓународни патишта;
79. ,,Магистрален пат” е јавен пат кој ги поврзува поважните економски
подрачја на Република Македонија и кој се надоврзува на содветните патишта
на соседните држави;
80. ,,Регионален пат“ е јавен пат кој поврзува економски подрачја на две
или повеќе општини во Република Македонија или е од посебно значење за
Република Македонија;
81. ,,Локален пат“ е јавен пат кој поврзува населени места на општината
или од кој е од значење за сообраќајот на општината;
82. ,,Некатeгoризиран пат“ е пат кој се користи за сообраќај и кој е
достапен за поголем број корисници (земјоделски и шумски патишта и слично);
83. ,,Земјен пат“ е пат без изграден коловоз;
24. Сообраќај на автопат и на пат резервиран за сообраќај на моторни
возила
Член 134
(1) По автопат и на пат резервиран за сообраќај на моторни возила, не
смеат да се движат пешаци, велосипеди, работни машини, мотокултиватори,
трактори, запрежни возила и добиток, ниту возила кои според одредбите на
овој закон не се сметаат за моторни возила.
(2) На автопат и на пат резервиран за сообраќај на моторни возила, не
смеат да се движат ниту моторни возила, кои според своите конструкциски
својства не можат да се движат со брзина од најмалку 60 километри на час.
(3) Одредбата од ставот (2) на овој член, не се однесува на возилата на
Армијата на Република Македонија, Полицијата, како и возила на правното
лице надлежно за одржување на патишта, кога давааt посебни светлосни
знаци (жолто трепкачко светло).
(4) ) Глоба во износ од 35 евра во денарска противвредност во мандатна
постапка ќе му се изрече, односно ќе му се регистрираат 20 негативни бода
согласно со одредбите на овој закон, на возачот кој постапува спротивно на
одредбите од ставовите (1) и (2) на овој член.
(5) Глоба во износ од 35 евра во денарска противвредност во мандатна
постапка ќе му се изрече на пешакот кој постапува спротивно на одредбата од
ставот (1) на овој член.
