Shelby Super Cars се подготвува да ja испрати првата генерација на Ultimate Aero во пензија и за таа цел нуди екстремно лимитирана серија од само 5 примероци на моделот наречен Ultimate Aero XT.
Она што импресионира кај Aero XT е масивната моќност од 1.320 КС и 1.411 Nm вртежен момент извлечени со помош на два турбо полначи од 6.8 литарскиот V8, истиот мотор што ќе го носи наследникот Tuatara првично најавен како Ultimate Aero II.
Извлечените коњски сили се далеку повеќе од оние на Bugatti Veyron SuperSport, но и од оние на обичниот Aero. И ако Aero го победи обичниот Veyron во крајна брзина Aero XT треба да го победи Veyron SuperSport.
Моќниот мотор е спарен со нов седум степен роботизиран менувач, Aero XT носи и нов сопирачки систем и има нов систем за ладење. Се претпоставува дека и овие компоненти се од Tuatara.
Од SSC велат дека овој Ultimate Aero е способен 100 km/h да улови за 2,65 секунди, а до 322 km/h да стигне за 15,65 секунди, Максималната брзина би требало да биде околу 436 km/h. Но, ова се само скромни предвидувања.
Инженерите сметаат дека на писта работите би можеле драстично да се сменат и исходот да биде повисок. Цената на Ultimate Aero XT ќе ја надминува бројката од 1 милион долари.
http://vozi.com.mk/vesti/aero-xt-pomokjen-od-veyron-supersport.html
