Латвала славеше победа, Лоеб осма титула
Јари Мати Латвала успеа да стигне до победата во Велика Британија, која беше засенета од осмата титула на Лоеб по ред во светскиот рели шампионат. Иако борбата за титулата беше решена...
уште во петокот поради откажувањето на Хирвонен, Лоеб мораше да почека до последната етапа за да официјално биде крунисан по осми пат.
До пред откажувањето на Хирвонен, двајцата возачи се менуваа на лидерската позиција. Но откако проблемите со ладилникот се пројавија кај Финецот, Лоеб го намали темпото и свесно или не, беше поминат од Латвала, кој до крајот беше недостижлив.
На последниот ден од релито, Лоеб имаше и излетување кое го чинеше предвремено завршување на настапот во Британија.
Мадс Остберг заврши како втор, со што ја круниса за него најдобрата сезона досега, додека зад него се најде Хенинг Солберг кој стигна до првиот подиум во последните две години.
Себастијан Ожие заврши на единаесеттата позиција, откако во почетните етапи излета и го оштети автомобилот, по што следуваше битка за последните позиции.
