Bridgestone прикажа нов концепт на автомобилски гуми кои не се полнат со воздух, а според производителот ќе нудат исти карактеристики како и обичните гуми кога развојот ќе биде завршен.
Концептот не е нов. Michelin уште во 2006 година излезе со една ваква идеја која го носеше името Tweel како кованица од Tire – гума и Wheel – тркало, но нивниот проект не доби зелено светло за понатамошен развој.
За разлика од Французите, Јапонците сериозно влегуваат во проектот и имаат амбиции да стигнат до сериско производство. Во суштина проектот на Bridgestone не е претставува класична гума.
Станува збор за тркало кое се состои од носечки дел, бандаж, и полно еластични спици кои го исполнуваат просторот меѓу бандажот и гумата и ја носат тежината на автомобилот и ги прифаќаат надолжните и напречните напрегања.
Конструкцијата на Bridgestone потполно ја елиминира потребата од воздух и опасноста од дупнување кое може да ја наруши стабилноста на автомобилот и предизвика несреќа.
Материјалот од кој е направена концептуалната гума-тркало без воздух е комплетно развиен и изработен во лабораториите на Bridgestone и станува збор за еден вид термопластична смола.
Нејзината обработка е строго чувана тајна, но инженерите велат дека по обработката таа ги има потребните својства не еластичност и цврстина кои обезбедуваат многу покомфорно возење од обичната гума.
Развојниот тим за сега не дава информации за тоа колква е трајноста на една ваква гума, колкави се напрегањата што може да ги издржи и со колкава максимална брзина може да вози без оштетувања.
Според инженерите овие информации сеуште се утврдуваат по експериментален пат и кога ќе се констатираат вредностите ќе бидат обелоденети.
http://www.vozi.com.mk/technika/bridgestone-vozi-so-guma-bez-vozduch.htmlOdamna cekame vakva inovacija.
