BTW, го чекам мислењето на Фаланга на оваа тема ...
Еве го Фаланга тука е. Мислењето на Фаланга е.... што да ти кажувам, мозок ме боли кога мислам, али ај, од некаде нека се почне:
Како да ја задржиме вредноста на нашите пари или пак уште подобро зголемиме во овие турбулентни времиња.
Прашањето е многу интересно ама не постои конкретен одговор. Најблиску до идеалниот одговор е: На тој начин што парите мудро ќе ги конвертираме во различни добра зависно од погодноста за нивно купување и проценката (на долг или краток рок) кога да се конвертираат повторно во пари.
Злато само злато. Барем јас така мислам. Толку војни се воделе во светов и секогаш односно никогаш златото не ја изгубило вредноста. Да би бил во можност би уложувал во злато се друго ми е некако преодно.
Бате Боле, овде мислам дека многу би погрешил кога би изиграл така. Погрешно во поглед на изборот (златото) а и во поглед на димензијата на вложувањето („би уложувал во злато се друго ми е некако преодно“). Прво не е точно дека златото не ја губи вредноста, туку напротив. Погледнете го само графиконот од Гугле. Златото некогаш било $200 за унца, сега е $1800. Ако сега цената е качена, тоа по автоматизам значи дека некогаш цената била падната. Исто како и со нафтата, порасна, па падна. Е сега, тука е заебот. Лудо е сега во овој момент да се купува злато по 1800 долари за унца. Зошто? Зошто утре кога ќе падне цената на златото си ги изгубил парите. А ако вложиш СЕ во злато, тогаш ќе изгубиш СЕ и самоубиство не ти бега.
Значи прашањето е кога да се менуваат парите во добра а кога не. Едно хипотетичко прашање: Дали би купувале злато (или недвижнини, земја итн.) во период на експанзија (обратно од рецесија)? Секако дека НЕ! Тогаш би ги вложиле во бизнис бидејќи прирастот би бил најголем. Имајте во предвид дека во период на експанзија златото е многу евтино. А евтино е затоа што нема побарувачка. А нема побарувачка зошто паметните вложуваат во бизниси зошто прирастот таму е најголем (профити). Е, ова е моментот кога би требале да купуваме злато... Ама дали би купиле? Паричката е слатка. Зошто да ја врзуваме парата во злато кога сакаме да ја оплодиме и потрошиме?
Оваа тема има многу поенти со многу различни комбинации ама не е сега време и место за многу опширност. Битното е дека финансиските шпекулации некого можат многу добро да го извадат од криза, односно да ги ублажат ефектите. Велам некого а не секого бидејќи сите луѓе не се идеално стручни и среќни. Понатаму, не можеме сосем да се заштитиме од ефектите на кризата. Не џабе во теоријата се вели дека кога одат националните економии у к***** иде се заедно со нив. Прашањето дали и кога да се врзат парите за материјално добро и во кое добро е The Billion Dollar Question на кое никој не наоѓа одговор туку само трага по него.
Јас лично би ги вложил парите (кога би ги имал) во едно пошироко портфолио на финансиски инструменти (хартии од вредност) а никако во земја, недвижнини или злато. Би вложил 33% во нискоризични хартии од вредност со мал принос (краткорочни државни обврзници и благајнички записи). Со останатите две третини би вложувал во акции на компании кои поседуваат најголем број на патенти и лиценци во светски рамки (Сименс, Епсон, Ајкон, Сеико, Sanyo) меѓутоа ова САМО во услови на светска рецесија.
П.С. Секогаш бидете свесни кога разговарате на оваа тема во кој момент и во кои услови давате изјави
Временската рамка е најбитниот фактор при разговорите на темава
