Го земав во избор секако, но имаше неколку фактори заради кој што не се одлучив за S5.
Првата е дека за да биде со сите ставки што сакав да бидат штиклирани од опрема и изглед цената испаѓаше околу 10к поскапо од цената што ја платив за ова, далеку повеќе од неколку илјадарки
. За цената што ја платив за оваа А5 можев да земам S5 со 120-40ккм и да направам некој компромис за некоја ставка од опремата можеби (адаптивни амортизери, системите за автономно возење, виртуелниот кокпит, или пак кровот) но не ми се допаѓаше таа опција заради тоа што во тој случај ќе имав дадено многу пари за возило кое веќе има завидна километража, кое немаше да има GW Plus сертификат(за мене можеби и најбитна ставка) и ќе бев секогаш во очекување на некој квар или пак промена на некој потрошен матријал кој што ќе беше доста скап*
Кој гледал коли во Германија знае дека цената највеќе зависи од километражата на возилото, така да сигурно си има и зошто.
Втората ставка е километражата која што ја минам со возилото. Јас грубо со ова возило ќе минам некој просек околу 30.000км годишно, S5 e доста поголем потрошувач па и секој километар ќе беше доста поскап. Реално тоа возило под 11л на 100км не оди. Ова не ми беше толку важно зошто искрено 200денари на 100км не се некоја преголема ставка за тој мерак што го прави S5, но го земав во обзир. Секако тука спаѓа и комфорот во возењето, S5 e малце потврдо сетирано и од ова, а со нашиве патишта знаеме како е, и ова не ми е пресудно но го ставив во математиката секако. Како што реков доста км минам па несакам да се клацкам претерано, заради тоа и обавезно беа адаптивните амортизери да бидат дел од опремата на возилото.
Третата и многу битна ставка е сервисирањето. Незнам кај би го сервисирал тоа возило и колку има способни мајстори за истото. Сервисот за истото во Порше сигурно би бил над 30.000 само за уље и филтри но нејсе тоа ајде ќе го поминев но што кога ќе дојдеше некој квар, живееме во држава каде што моментално нема ниедно S4 или S5 па за секој квар или порачување на дел ќе беше процедура и ќе требаше сам да истражува по интернет што е проблемот за да се реши. На пример за Дискови менување ќе беше процедура со порачки од странство па чекање...., за било кој сензор исто.... секој захват на тоа возило освен промена на уље и филтри во држава е доста сложен, а не треба да е
. Вака 3.0 ТДИ е мотор кој што е многу чест и застапен па што и да имам проблем со моторот и менувачот мислам дека многу побрзо и по едноставно би го решил. Сепак колата ја користам за работа и неможам да си дозволам од 12 месеци 2 да стои во сервис за да чека дел да стаса од некаде за да биде во одлична состојба за возење.
Така да кога ги земав овие три ставки во предвид а особено првата и третата, сфатив дека лично за мене и моменталната состојба, A5 3.0 TDI ми е подобар избор и компромис меѓу потребите и можностите, а и 5.3с до 100 ми беа сосема доволни.
S5 е одлично возило и искрено повеќе мерак ќе имав на тоа но мора да се гледа и колку е чергата. Јас моментално не бев спремен да земам S5 каков што замислував и сакав и тоа е тоа. Како што реков кога го зимав возилото несакав да правам многу компромиси, а со S5 ќе требаше многу компромиси да направам и едноставно немав желба за тоа, не ми беше мерак. Пресреќен сум со изборот што го направив и воопшто не се каам. Секој километар со возилово си уживам максимално и со мерак се возам. Пред тоа возев А4 со 170-80кс и тоа супер си одеше и се, но ова е друга лига и друго ниво на задоволство при возењето, барем за мене.
