Би сакал на сите посетители на оваа тема во Огласникот да им свртам внимание и да споделам лошо искуство со Ауто Кинг Виница.
Во кратки црти, за проектот со двојката нарачав врата од багажник и лева врата за шасија со 2/3 врати. Бидејќи постојат два типа на врати (пред 88 модел и по 88 модел) експлицитно нагласив и прашав неколку пати дали се наоѓа на залиха истата, со цел да се осигураме дека збориме за истиот модел на врата на Вибер до Ауто Кинг беа пратени слики од вратата која е потребна. Откако добив цена (140 евра за вратата и 100 евра за багажникот) договоривме се да биде пратено по карго.
Кога пратката стигна, вратата беше пратена погрешна од стар тип. Се слушнав телефонски со Ауто Кинг каде се договоривме да ја платам цела пратка (така налагаше каргото) за да можам да го подигнам багажникот барем и да не стои работата, а вратата да ја пратам назад со замена и ќе ми биде пратена таа што треба. Е сега, се ќе беше добро доколку не пројдеше една недела без трага и глас за друга врата.
Откако почнав секојдневно да "досадувам" телефонски за вратата прво ми беше кажано да ја најдат у магацин за да ја сликаат да потврдам дали е таа (ништо од тоа). Па ми кажаа дека вратата ја пишува од Џета на што прашав јас дали е од Џета со две врати и добив потврден одговор. Бидејќи вратите од Џета и Голф се исти возвратив потврдно вратата да биде пратена по карго. Чекав 3-4 дена да стаса и пак ништо не се случи иако рекоа дека ќе ја пратат.
На следниот телефонски повик ова морам да го цитирам:
Јас: Другар што бидна со вратата, се зезаш со мене испуштив терминот за у комора?
Ауто Кинг: Другар абе ја проверив вратата не е десна, лева е.
Јас: Па левата ја барам де.
Ауто Кинг: Не е лева, десна е.
Јас: Другар ти си тераш мајтап со мене.
Ауто Кинг: Абе другар немам ја вратата ај шо да правам, да ти пратам половна?
Јас: Платив за нова, со парите што правиме? Здрави ли ти се половните врати?
Ауто Кинг: Ќе ти вратам дел од парите не е проблем. Вратите се здрави.
Од тој разговор комуникацијата продолжи на Вибер каде добив слики од половните врати и двете беа удрени, не вредеа по што си побарав рефундирање на дел од парите. Бидејќи нема што да кријам цените јавно ги кажав вратата беше 140 евра и багажникот 100 евра јас назад треба да добијам 140 евра, но дотичните ми рекоа дека ќе пратат 120 евра и тоа е доволно.
Парите еве уште ги немам добиено (да не грешам душа може се пратени од каргото се немаат јавено), чекам 3 недели, колата до сега требаше да биде офарбана но не е. Без никакво ценкање си платив сумата која ја бараа и очекував да биде испорачана и робата како што треба и односот со муштериите да биде коректен.
Кој не го мрзеше да прочита до овде ви благодарам што ме истрпевте и размислете двапати дали сакате да правите бизнис со некоректен човек.
