Меганот средина на Јуни месец 2016 пушти душа
и во меѓувреме хитно требаше нов автомобил поради приватни причини да не должам многу. Барав автомобили што се на залиха.
Број 1 мораше да биде караван. На мое огромно изненадување голфов имаше уствари најдобра цена во однос на вложено добиено, барем јас така мислам. Најблиску конкурент му беше октавијата (која што има поголем багажник) со подобар мотор 1.4тси 150 но со ненормални цени + регистрација, осигурување итн. Па така испадна ова најдобра опција + на крај успеав да им земам и зимски гуми Nokian WR D4.
Станува збор за 1.4 тси 125 кс еуро 6 мотор и е сосема различен од еуро 5-ката со 122 коња во голф 6. Значи почнувајќи од тоа каде е поставено турбото, каиш наместо ланец итн. Да бидам попрезицен станува збор за Голф Вариант Trendline со 3 години гаранција/100.000км. Имаше распродажба од залиха како што кажав претходно плус акција со додатна опрема гратис такозвана Trendline Extra/Business:
кожен волан и менувач
наслон за потпирање
MIB 2 Composition Media infotainment со bluetooth
круз контрол
предни и задни паркинг сензори
автоматска клима
зимски пакет опрема што вклучува греачи на седишта, покажувач за ниско ниво на течност за стакла, прскалки за фаровите и греачи на прскалките на ветробранско стакло
До сега имам поминато 19.000 за овие 8 месеци и неколку забелешки/проблеми
- се јави после 2 месеца крцкање некаде на сувозачка врата. Кцкање од типот си возиш на пушка прав пат и се слуша нешто крцка. Подмачкаа вратите на сервис и од тогаш нема крцкање
- Пред некој месец при вртење на воланот на паркинг забележав гласен звук како нешто да пука цело кога воланот е скоро свртен до крај. Еден ден јас на хауба отворена гледам што може да биде, друго лице го врти воланот и кога гледам стегата на левата полусовината се мрда од место кога се врти воланот фул и прави таков звук. Отидов во сервис им покажав слика што е проблемот го средија веднаш.
- При лежечи полицајци се јави крцкање на предница како стара врата неподмачкана. При тестирања, форуми читања итн прснав со силиконски спреј на двете гумици на sway bar и од тогаш еве има 4-5 месеци нема никаков звук. 99% се дешава од поради сол на патишта кое што е неизбежно каде што јас живеам
Е сега општо за колата
. Споредбиве директно ги кажувам спрема бившиот ми Меган. Иако голфот е караван и само со 15ки гуми во кривини се однесува посигурно 100% подобро од меганот кога беше со 205/50 р17 гуми. Значи разлика небо и земја. Ми остави впечаток на многу стабилно и безбедно возило.
Сум имал можност да возам неколку автомобили од оваа и повисоки класи. На мое позитивно изненадување иако бев огромен скептик зошто општо Голф ти е прилично омразен автомобил, јас да сум ти запрепастен колку е тивко внатре, возење по дупки не се осеќа во кабината, нема крцкање на внатрешност, материјалите внатре се навистина меки на допир и многу добро склопени. Секоја чест! Навистина имаш чувство дека се возиш во повисока класа на возило од типот на Инсигнија/Мондео/Пасат итн.
Воланот е многу директен и прецизен за разлика од Меганот. Најголем мерак во колава уствари ми прави воланот и менувачот. Менувањето на брзини е задоволство, има убав механички звук при менување брзини.
Е сега за моторот. Позитивно изненаден од потрошувачка во град. Во строги градски услови во зима троши 8 во лето околу 7. Просечна брзина околу 25км/ч. Старт/стоп функционира беспрекорно пред се бидејќи се работи за бензинец. Нема никакви вибрации во кабина. Проспект вика 9.2 до 100км/ч што е одлично за 125кс.
200нм од 1400-4000 вртежи се сосема задоволителни. Во меганот имав 1.9 дци 120кс и доста подобро потегнуваше поради 270нм се разбира во исти степен на пренос, ама при брзини од над 100км/ч голфот си влече и има сила за разлика од меганот каде што полека губеше сила. Веројатно и годините си го прават своето. Многу агилен мотор за во град и потегнува многу добро при 1500 вртежи, каде што меганот на 1500 беше мртов. Би сакал 1.4 тси 150 но се нуди во комфротлајн па нагоре.
Редовен сервис се прави на 30.000км или 2 години зависи што попрво дојде. Третата година се менува глицерин па потоа на секои 2 години. Во овој мотор се вградува нов вид на ребраст каиш кој што гарантираат 210.000км така да не му ја мислам на тоа наредни 8-10 години.
Додатно си купив задни издуви хромирани, веќе објавено во друга тема и дава многу секси изглед од позади!
Купено и гумена покривка за багажник.
Купени оригинални бандажи со се летни гуми 1 година користени од Голф 7 (Toronto wheels 205/55 R16) а овие 15киве ќе си останат за зимски сетап.
Да не биде премногу долг овој пост ќе поставам неколку слики од дента кога ја донесоа од плац до наредниот ден кога ја спремија за превземање. Бидејќи ми е прв пат, чувството е ненормално и незаборавно кога искачаш со ново возило од салон!
Кој има прашања и е заинтересиран нека праша
[/list]
